[閒聊] 就畢業了‧‧‧

看板NCCU_hkmac作者siuyuen (tgk )時間19年前 (2006/05/16 02:38)推噓32(32推 0噓 8→)

留言40則, 9人參與討論串1/2 (看更多)

以下我所打既野完完全全係個人感想，見就黎畢業都未試過po版po成千字，發覺唔po返篇好鬼多字既文，簡直就係浪費左我4年上b既光陰，以下文章既內容可能係針對人，又有可能係針對事，喜歡既就繼續睇，唔喜歡既就按←吧。尼期北運咁hit，當然整返part係北運先架啦，哈哈，其實我好珍惜今次北運既排球比賽架，雖然之前又冇好比心機練，打得又一d都唔勁，不過都有5個唔嫌棄又包容我既人陪我打，真係好開心，比賽果陣已經盡量比心機打架喇，不過對手實在有點利害，加上主將家宣走左，輸都冇辦法啦。再黎北運既，唔好俾佢停，之前見po文有人話閉幕得幾個人去話我地早走既冇體育精神，唉‧‧‧我有反省可能早走係有唔岩，不過遲到既人呢？開幕典禮有幾多人到呀？有幾多人準時呀？你地如果重視一樣?根本就唔會遲到，請問你考試會遲到嗎？好，算了，要講有排講。仲有一個好大既重點，雖然表面上我同阿昭好friend，不過並唔代表佢講既所有野我都認同，好似今次佢提出訂車既文章，提議訂車俾想去北運但係冇機車既人坐係不錯，不過語氣完全係太重，唔止係重，簡直就係過份，跟本唔可以接受，我只可以講佢既言論並不代表我地大四既全體會員。其實原本仲有好多好多?要打架，不過唔知點解打打下呢，d火冇晒，可能因為飲左菊花茶既關係，哈哈！唉，每個人心中都有一把尺，我地係唔應該用自己把尺黎度人地既，幹事會邊個做得好，邊個做得唔好，大家都有眼睇架啦，唔係講得多就代表做得好既。仲有喎，有心做同好有心做都唔係重點，又好似考試咁，個個都好比心機讀架啦，係咪個個都考100分丫？今時今日好多時都係睇結果架咋，結果做出黎係好，人地就覺得好架喇，中間辛唔辛苦係冇人理架喇，尼個世界就係咁現實架喇，你一係就面對現實一係就飲菊花茶下火啦！做人真係要有tniop先得架，冇tniop個人會浮架！！！再黎係大三元喇，大三元做埋今日呢就完喇，我唔覺得可惜，因為總算試過丫嘛，我自細就好想賣魚蛋架喇，覺得好好玩，終於有機會俾我試喇，哈哈，好爽呀！咁講開大三元就一定要多謝大四既同學同大三大二大一既學弟妹啦，我知你地一定有人唔係因為喜歡我地既食物而黎買，有好多可能係純粹俾面，當然有人係真係覺得好食啦，畢竟整得咁好食，哈哈，不過無論點都好，多謝你地呀，見倒你地黎買好開心，係真既。聽日last day，可能好多人可能冇人，不過如果好多人的話，你地黎冇位坐的話，請多多包涵，見諒見諒喇！可以試下外賣同外送喎，哈哈，我笑了。 p.s. 執左之後請不要打黎叫外賣，免得浪費電話費！打完一千字好爽，好似做左份報告咁，真係不枉上左4年 b呀~~~~~ -- ※ 發信站: 批踢踢實業坊(ptt.cc) ◆ From: 61.229.11.207

→

waiwai817

05/16 02:52, , 1^F

05/16 02:52, 1^F

推

iamneville

05/16 03:04, , 2^F

05/16 03:04, 2^F

推

hokahun

05/16 08:55, , 3^F

05/16 08:55, 3^F