Re: 金沙給全城莊荷一記"當頭捧渴"!!!!
※ 引述《ffaaa (被喜歡深深傷害)》之銘言：
: 從人事管理學的角度看, 這是一件好高明的"汰弱留強"的人事管理策略.
: 如果搣除金沙炒人係為輸入外勞的原因(應該無可能, 因政府講明莊荷不會輸入外勞), 則而我非常認同金沙今次的人事大革新.
: 首先, 金沙開壇時好等有經驗的人用, 所以用盡各種手段去搶人, 一來自己可以有足夠人才開壇, 二來可以打擊對手;
: 第二, 美資公司一向有評核炒人的管理制度, 其實對於一間公司來講係絕對正確的做法, 因可保持公司人員的積極性, 汰弱留強保持精英在公司, 是推動公司搵更多的錢的一大技;
: 第三, 相信金沙經過兩年的經營後, 已完全掌握到人力的運作模式, 在人求工的時代裡, 公司絕對握住揀人才的皇牌, 加上, 賭權開放至現在, 澳門人已認定搵到莊荷喱份工有如長期飯票般, 這種想法便帶來懶散怠惰的工作態度, 這是美資公司不容見的事;
: 第四, 基此, 金沙來一招炒表現不薺的政策, 有如對金沙員工, 以至全城莊荷一記"當頭捧渴", 這種長期飯票的黃金夢並非必然的, 要保住飯碗, 必須積極工作, 努力不懈.
以下是某一位被炒荷的心聲:
[轉貼] 一個被炒荷官既心底話......
無良公司，金x炒人真正原因！(非荷官技術不足!!!受害者請進)
本人是受害者之一，今朝在澳門日報上睇到相關報導，
說甚麼"公司要提升服務質素，不合標準的便炒"。
自問沒有遲到，沒有請假，沒有出錯，由於想快些升職的關係，我都好比心機做野架！
在未入職前，曾參加過相關莊荷培訓課程，我對自己技術相當有信心，完全做足公司的要
求！
我希望受害者可以企出o黎講下野，明明自己做足本份，卻被無理解僱，還要背上工作不
認真，技術慘差的罪名。外人眼中只會覺得係我地錯，抵炒！
現在消息已經傳偏整過澳門，你們以為還可以輕易到其他賭場找工作嗎﹖
炒人背後真正原因︰錯誤判斷增加人手(公司錯誤評估新場吸引力而大量請人)
我係八月初入職那批(同我同期訓練既有100人，已經炒左八成，過幾日或許會全軍覆沒)
，
哥陣公司話我地己經係最後一批，因為己經請夠哂人，之後都唔會再請人住。
但係好奇怪，大約一個月之後，又有另一批新人出場。我哥陣仲以為，
或者百樂坊(即金沙三樓)開幕，同埋為10月黃金周作準備，所以要請多批人掛。
不過百樂坊既生意就真係差到冇人信(開頭哥幾日要我地ot，因為公司對百樂坊好有信心
，但係開左幾日，成個?都係得幾個人，最後連ot都取消埋，而家偶然先會開幾個pit比人
玩)
，黃金周過左之後，成個金沙比起過往靜左，當然啦，甘係因為比星際同永利搶左d客。
之但係，o係十月期間，公司又唔知做乜鬼請多兩批新人(好似話要為下年金光大道開幕作
準備)，
搞到有時返到去都冇機會做，要做watch(即係企響後邊睇人做)，
由於人手大量增加，公司收入當然大大降低，若果要涯到下年金光大道開幕，將會損失慘
重！
生意差左，人手又多左，呢d完完全全係編更部同人事部計算錯誤亂咁請人既責任，
所以佢地就開始實施一系列計劃去填數︰
1, 要我地狂問d客?茶錢
2, 要求我地申請放大假，冇新假，或一星期只返五日工。
最後，成效當然不大，加上哥時內部轉職
(即係d茶水部轉去做荷官，佢地o岩o岩train完，不過人太多，冇得出場)
投訴冇得出場，所以又要迫住比埋佢地出o黎，一時間，金沙每日就多出6百人左右。
而人事部既阿頭就比人調走左，換左個新既上o黎。
新官上任，即刻開始炒人大計，順便"掛名"話要求改善服務質素。
之但係要用咩籍口炒人呢，炒咩人可以令到公司損失降到最低。
當然就係我地呢d就快過試用期既新人啦，
炒舊人機會細(請得多假先會比到籍口佢成為目標)，
新人一般會冠以"不符合公司要求"而解僱。
所以新人係最無辜..............
我的經歷︰
前日返工，依舊人手太多，冇位比我做。我就比人調o黎調去，
最後，就比人調到Pit78(炒人刑場)，首先叫我座埋一二邊，
根住就帶我去人事部，由於個阿頭係鬼佬，所以就叫個翻譯同我講，
話我工作表現未達標準，我就問佢咩為之標準﹖
佢話要睇你手門，技術，牌例，對客表現.....
我就答佢我咩都做足喎，之前亦都有參加過其他陪訓，
佢就答我"其實除左呢d，都仲有好多因素既，總之我地就覺得你唔適合呢間公司啦"
我話咁即係老屈je，佢唔出聲............
淨係拎左兩張紙出o離，話比我choose，想公司炒你定係你自己離職..............
之後就搵人陪你去清locker送你走...........
歪曲事實，被炒員人難找工作︰
一間堂堂大公司，因為內部計算錯誤，而要前線人員承擔一切，把罪名硬推於別人身上，
簡直不付責任。被炒哥d好多都係家庭既收入支柱，有老婆有仔女，另外一些係由其他博
彩公司跳蹧過o離，經驗豐富。且大部都係冇遲到，冇請假，冇簽過warning，有d仲有成
十年以上經驗架，做左一個月就有幾個經理加佢地分，但被炒的時候卻說他技術不足，
要求他回去多加訓練，這對於一個年資十年以上的人來說，實在諷刺！
與我同期訓練既有100人，差唔多全部炒哂，唔通成100人都冇個合佢要求﹖
"不符合公司標準要求"我認為呢個只係炒人既籍口罷了。
而外間和一切不知情的員工，大多認為是我們技術不足，大公司提升質素，汰弱留強是應
該的。
"有咩理由做得好會炒丫?一定係你自己差，人地話哂大公司喎！
"這是外間一致的看法。(其他賭場亦可以因為這樣而不錄用你)
但現在事實上看來，似乎是不分好壞，只要是未過三個月試用期的，都難逃一死，
而公司亦沒有清楚列明"甚麼才是它的標準"。
一切一切其實都只是因"內部計算錯誤而須要裁員節省開支"的籍口。
想炒就炒，完全沒有道德，沒有社會責任！
我希望被炒員工能夠集合起來，向議員投訴.........
炒人潮還會繼續，不知還會有多少人受害……good luck for u!!!
--
※ 發信站: 批踢踢實業坊(ptt.cc)
◆ From: 202.175.104.179
推
11/10 14:08, , 1F
11/10 14:08, 1F
推
11/11 14:56, , 2F
11/11 14:56, 2F
討論串 (同標題文章)
本文引述了以下文章的的內容：
完整討論串 (本文為第 2 之 5 篇)：