[新聞] 宮心計食大長今橋楊怡廿萬行頭閃贏阿佘

看板HK-drama作者meihome ( )時間14年前 (2009/10/09 18:36)推噓10(10推 0噓 6→)

留言16則, 8人參與討論串1/1

《宮心計》食《大長今》橋楊怡廿萬行頭閃贏阿佘本新聞轉貼自：忽然一周　741期　　　　　　　　（百度佘詩曼吧 http://tieba.baidu.com/f?kz=653203380　) 雷很大 09年無線兩套壓軸重頭劇，《宮心計》和《富貴門》於本月 19日正式登場，而以「親生仔女」掛帥的《宮》劇，更被無線高層在年尾台慶頒獎禮睇高一線。擺明食《大長今》條橋的《宮心計》，同樣講宮廷尚宮眾女勾心鬥角，同樣講姊妹情決裂，同樣 sell高貴靚衫。唯一唔同系冇靚景，事關無線近年縮皮，在睇餸食飯之下，《宮》劇監製梅小青惟有放棄出埠拍外景，將百萬經費全數撥落戲服頭飾上。要數最貴行頭，非奸妃楊怡莫屬，事關中段已得寵做咗皇帝愛妃嘅佢，話咁快就搣甩粗布麻衣，靚衫靚頭飾輪住換。雖然話系朱義盛，但十幾套戲服再加廿幾套頭飾，總值超過廿萬，相比寒酸宮女阿佘，楊怡奸得嚟矜貴得多！一反以往播映重頭劇傳統，《宮心計》安排在頭輪八點半時段，硬撼尾輪以外援助陣的《富貴門》。一知情人士說：「公司覺得以往八點半時段太著重啲輕鬆小品劇，收視長期得 2字頭，希望《宮》劇可以推高收視。」可見《宮》劇被無線視為秘密武器。浮誇皇后貴為皇后的楊怡，濃妝豔抹，眼角的花鈿更明顯。監製梅小青說：「將花鈿放喺楊怡眼角，令到佢啲邪氣出曬嚟。」雖然夠曬隆重，不過聽監製講，個頭套及頭飾合共有十幾磅重，搞到次次放食飯，楊怡都要托住個頭對住個飯盒呀，陰功！低賤宮婢阿佘飾演的劉三好原本為名門望族，而楊怡本為三好婢女，身份低微，在入宮初期，楊怡仍是普通宮婢，因此衣著簡單樸素。四正學婢入宮後，楊怡和阿佘被編入四房做學婢，雖然有簡單頭飾，但所穿的學婢制服則是人人相同，未見突出，但外形就比之前四正醒神得多。華麗貴妃由學婢坐直升機一跳成麗妃，頭飾和衣服光鮮得多，初做貴妃的她，奸險性格未浮面，因此妝容仍比較清淡。睇好楊怡攞獎套劇未出街，即有傳飾演奸妃的楊怡因有高層撐，在年尾大有機會揮低鄧萃雯攞視后，監製梅小青亦賣花贊花香說：「楊怡本身角色夠突出，觀眾容易有印象。佢第一次演奸角，無論眼神同語氣都有新鮮感，你睇完套劇，就知楊怡絕對值得攞獎！」除了有監製力撐攞硬獎外，楊怡在劇中的服飾亦撼贏另一女主角阿佘。監製表示：「楊怡喺中段已經用手段引誘到皇上納佢做貴妃，所以啲衫同頭飾都比較隆重。我本身系唯美主義嘅人，未開劇已經叫人周圍搵啲靚嘅飾物，特別系頭飾，等啲女仔可以襯番套衫。咁楊怡就更加要系最靚嗰個，佢成套劇有十幾個造型，尤其做咗貴妃嗰幾套，要搵專人特別訂制，啲石同線要一針一針縫落去。咁多個人啲衫，最落重本應該系佢。」至於阿佘，雖然亦有近十套衫，但大多是人有我有的宮女制服，到後期升格做尚宮，先有件靚衫見人。之後被皇上納做華妃，阿佘開始著得光鮮，但論浮誇就點都比唔上楊怡。寒酸宮婢阿佘雖然出身宦官，但被逼入宮後，身份和婢女金鈴（楊怡）一樣同為宮婢，因此衣著服飾和金鈴一樣。倒模學婢阿佘和楊怡被編入四房做學婢，二人與其他學婢無論服飾、髮型和頭飾亦一模一樣。高貴尚宮捱了一段時間，阿佘終攀上四房之首尚宮職位。做得阿大，當然衣飾要有番咁上下臺型先得，而呢套戲服算系阿佘著得最長時間嘅靚衫之一。省鏡貴妃由於阿佘在劇集尾段才會升做貴妃，因此靚衫只著了很短時間。今年初，演員齊齊影大合照，監製特意安排她們著最「行」的服飾出場。著咗靚爆貴妃戲服的阿佘先冇給楊怡比下去。奸到出汁處女下海做奸角的楊怡，在劇中做盡陰質事，為了擺脫宮女命運，處心積累誘惑皇上。貴為妃子後，為鞏固勢力，表面討好貴妃李詩韻。得知李懷有龍種，更三番四次落毒藥甚至用腳踩李的肚引致李流產。另外，又用毒招向以往刻薄過她的尚宮進行大報復，除將她們收監，更要挖眼、挑脷筋、斬手斬腳等酷刑。雖然曾與阿佘情同金蘭，但楊怡後期做了皇后，仍視做了華妃的阿佘為假想敵，經常使計陷害對方，最後更向皇上打小報告，指飾演棋博士的鄭嘉穎和阿佘有姦情，又誣告她害死太后。雖然阿佘本著「做好事、說好話、存好心」的原則由頭忠到尾，監製就爆料臨尾阿佘會嚟一次絕地反擊，同楊怡死過。監製說：「有時做好人都唔可以一味愚忠，好似三好（阿佘）知道金鈴（楊怡）嘅衰嘢，雖然揭發咗會害死姊妹，但又唔想睇到楊怡累死更多其他人，所以阿佘最後都要大義滅親公開數臭佢！」《宮心計》和《大長今》無論故事背景和人物設定都極之相似，其中鄭嘉穎和阿佘的感情線便與長今和閔大人如出一轍。《宮心計》未出街，網友已率先發起投票「最期待女角」和「最靚造型」選舉，結果楊怡以大比數拋離其他對手，包括女主角阿佘在內。梅小青表示開拍此劇，是藉著阿佘和楊怡的角色，帶出「做好事、說好話、存好心」訊息給觀眾。「阿佘同楊怡其實面對嘅嘢系一樣，系睇你點去面對同處理，一個正面一個反面，一線之差。」《宮心計》角色分佈圖《宮心計》以唐朝晚期做背景，飾演劉三好的佘詩曼，因父親得罪皇帝，而被逼和家中小婢金鈴（楊怡飾）入宮一生為奴。二人被編入當時後宮的最高權力中心，而四房主管則任命於皇太后、太皇太后。尚宮四房，分別為司珍房（首飾），司制房（服飾），司膳房（膳食）及司設房（陳設）。三好被編入鐘雪霞（米雪飾）門下，負責宮中刺繡，而金鈴則分配入袁翠雲（關菊英飾）門下，負責宮中首飾。由於三好天資聰敏，袁爭取收歸門下，三好因此成鐘、袁兩位尚宮爭鬥磨心。誘皇帝為了極速成為貴妃，擺脫四房掌管的折磨，楊怡多次借機親近皇上（陳豪飾），最後得皇上寵倖納為麗妃，其後更成為皇后。還是學婢的楊怡，首次幫陳豪著衫，乘機用手掃他的背，公然挑逗皇上，最後成功上位。陰招復仇楊怡將曾經欺壓過她的四房尚宮收監，並打算向眾人施以酷刑，最後得到阿佘相救，米雪和關菊英才可逃出生天。連番靠害表面假意討好貴妃李詩韻，實則多次用毒藥餵懷有龍種的李詩韻，最後更索性用腳踩，令龍種流產，極之心狠手辣。 -- ※ 發信站: 批踢踢實業坊(ptt.cc) ◆ From: 203.64.246.10

推

joycemei

10/09 18:41, , 1^F

10/09 18:41, 1^F

推

peppermintt

10/09 19:14, , 2^F

10/09 19:14, 2^F

推

SmartDola

10/09 20:10, , 3^F

10/09 20:10, 3^F