[新聞] TVB小生二軍接棒　羅仲謙童顏巨咪

看板HK-drama作者meihome ( )時間14年前 (2009/09/23 11:25)推噓8(8推 0噓 4→)

留言12則, 8人參與討論串1/1

TVB小生二軍接棒　羅仲謙童顏巨咪本新聞轉貼自：Face周刊 http://bbs.ent.163.com/bbs/tvb/152264943.html 40吋爆肌 25歲羅仲謙為型仔狂練胸肌，睇真啲仲有少少似視帝鄭嘉穎，加上魔鬼教練身形應該食唔少女，不過謙仔自稱家陣冇拖拍，「我拍過 3次拖，最長嗰次都係 3年，我鍾意啲學識高嘅女仔，可能因為自己讀得書少啩！」乜咁冇自信呀？ o靚模夏天咁勤力，班電車仔口水狂流超滿足，不過似乎冇乜照顧班腐女感受。好在仲有個 25歲 TVB新晉靚仔羅仲謙，咪以為佢仲係夾住隻髮夾做《古靈精探 B》嘅偵探仔，實情佢日操夜操由排骨變肌男，加 40吋強勁胸肌，腐女唔尖叫就奇，型男晒咪，無綫唔會詐型啩！羅仲謙 16歲做 part time救生員， 05年好老套咁話陪朋友 casting，再俾電影公司星皓睇中做咗林嘉欣師弟，以往白滑 o靚仔，今日突變 40吋黑實巨肌：「我每日曬 2粒鐘太陽，再舉 2粒鐘鐵！今日知要影相，臨嚟之前都勁做擴胸，又唔敢食嘢，怕個效果出嚟唔靚！」 '08排骨仔 1年前幫本刊影相時，仲係排骨仔， 1年後羅仲謙日舉 2粒鐘鐵終於有成果：「我好滿意，今次操得好靚，仲想好啲！」羅仲謙（黃圈）做極都係 o靚仔，今次無綫終於搵佢喺新劇《搜下留情》拍住陳慧珊（右一）同馬德鐘（中）做打拳，謙仔話：「今次唔係做細路呀，做打拳我都有特登去學 o架！」唔做花 o靚做極都係扮 o靚仔，不過羅仲謙其實係樣 o靚心境老，「其實我下套《搜下留情》做拳手，唔係淨係做 o靚仔 o架！我鍾意同年紀大過我嘅人傾偈，最 friend係歐陽震華、郭晉安，佢哋平日教我好多嘢！」最初拍電影《阿嫂》入行，又拍過《六樓后座 2》，話晒係主角，家陣殺入 TVB做配角，收入唔算多，不過羅仲謙話：「收入 ok啦，夠我自己用，我家姐教琴，屋企冇負擔，我都要多謝珍姐同樂小姐（無綫高層曾勵珍和樂易玲），佢哋畀咗好多機會我。其實我見到一年進步過一年就夠啦！」進化做肌男，應該都算進步啦！花樣少年羅仲謙中學時期白雪雪，影貼紙相仲超脂粉味似乙男，點估到今日會咁鬼 man。自度髮夾《古靈精探 B》平均收視 31點，飾演詹樹邦嘅羅仲謙同高皓正爭陳美詩叫做有啲感情線，不過佢個髮夾頭仲搶眼。羅仲謙話：「個髮夾係我自己諗加上去嘅，監製覺得都配合到個角色，效果都幾好呀！」中五喺大埔官立中學畢業，之後去咗做救生員，羅仲謙話：「細個喺學校係羽毛球、籃球、足球校隊，嗰陣上緊堂開咪叫我出去比賽，以為自己會好多人望，哈哈！」最近佢仲考咗個潛水教練牌（右圖），「得閒儲咗啲錢，於是就去考！」考多個牌增值，點都有用嘅！二軍排隊上無綫二軍型男除咗羅仲謙，其餘加緊鞭嘅仲有梁烈唯、梁証嘉同陳智燊等，有賣 cute又有賣男人味，不過就首推梁烈唯世界仔最多人撐，暫時領先個馬鼻。世界仔梁烈唯 30歲但個樣超 o靚嘅梁烈唯 99年拍電影《監獄風雲之少年犯》出道， 04年入無綫後做綠葉，最近喺《絕代商驕》中做「財記」一角更加搶鏡。配角發到圍，梁烈唯話：「可能我唔放棄啦，即使角色唔重，都有諗啲嘢去豐富佢，我係眾人細佬？哈哈，其實最重要都係用心對人，對人要真囉！令人開心，我就自己開心！最 friend都係陳敏之，係佢帶我入 TVB嘅！」 30歲唯唯原來都有鋪自拍癮，喺自己 blog度就有大量呢啲疑似半裸床照，財記都可以好冧女。《絕代商驕》中嘅財記雖然係賣麵仔，但拍住主角麥提爽黃子華加佘詩曼，亦一樣搶到鏡。唯唯（左一）除咗陳敏之（右五）同佢最 friend外，其餘由中女伍詠薇（右二）到崔建邦（右一），個個玩得埋。個個讚：田蕊妮我私底下識唯唯，同佢未合作過，不過佢份人好 gentleman。馬浚偉唯唯好有 potential，佢好似細路仔，好有禮貌！楊秀惠唯唯好勤力，未埋位就背劇本！夠嫩口梁証嘉 21歲梁証嘉，二軍中最 o靚仔係佢，中五畢業後加入無綫第 20期藝員訓練班，同陳智燊係同學， 17歲入行做咗 2年兒童組，之後去咗戲劇組拍住歐陽震華同鄧萃雯做《尖子攻略》，之前喺柴九套《巾幗梟雄》做蔣必武都算交到貨。「我覺得自己都有做戲天分，同柴九哥（黎耀祥）合作學到好多嘢囉！我 12月會拍戚其義套《天與地》，大製作 o架！」第一套拍《尖子攻略》，之後做李添勝嘅《巾幗裊雄》，梁証嘉雖然唔多工開，不過都叫做有個唔錯嘅開始。《蘋果日報》圖片高材生陳智燊 31歲陳智燊（ Jason），英國出世英國大，父母英國開餐館，又喺全英國排第三嘅倫敦大學讀經濟學碩士， 5年前返香港讀無綫第 20期的藝員訓練班，憑主持明珠台嘅《港生活港享受》流利英文冧死 OL。陳智燊說：「我覺得可能我英國大，同香港人有啲唔同，所以大家留意我啫！好開心！嚟緊會拍《誘情轉駁》，希望主持以外，可以畀到觀眾新鮮感！」陳智燊遲入行，不過個樣叫做幾 sharp醒，間中都有做吓 model，喺上年套《法證先鋒Ⅱ 》做鑑證員（左）開始多人識。《蘋果日報》圖片採訪、撰文：何灝霖攝影：林子賢 -- ※ 發信站: 批踢踢實業坊(ptt.cc) ◆ From: 203.64.246.10 ※ 編輯: meihome 來自: 203.64.246.10 (09/23 11:41)

推

chermayday

09/23 11:50, , 1^F

09/23 11:50, 1^F

推

SmartDola

09/23 11:58, , 2^F

09/23 11:58, 2^F

推

Monoprix

09/23 12:15, , 3^F

09/23 12:15, 3^F