[新聞] 梁靖琪爛鼻辭演新劇

看板HK-drama作者meihome ( )時間14年前 (2009/09/22 10:32)推噓21(21推 0噓 10→)

留言31則, 20人參與討論串1/1

梁靖琪爛鼻辭演新劇本新聞轉貼自：太陽報 http://the-sun.on.cc/cnt/entertainment/20090922/00470_011.html 梁靖琪（Toby）因面部皮膚受細菌感染而辭演新劇《翻叮一族》，角色由唐詩詠頂上，已出院的Toby表示，面部及鼻子皮膚含膿、出水，痛得像被煙蒂辣傷：「醫生驚啲菌上腦，所以幫我打針，食咗藥之後有啲反胃，我依家唔敢照鏡！」前晚陳鍵鋒與唐詩詠為《翻》劇首日開工，唐詩詠說：「我有陪Toby睇醫生，佢話個鼻起晒水泡、發晒炎，痛到瞓唔着。（介意執二攤？）唔介意，Toby仲叫我畀心機。」至於陳鍵鋒則感可惜：「希望下次再合作，我會嘗試搵佢嘅電話號碼SMS佢。」圖片標題 :執Toby二攤的唐詩詠，前日與陳鍵鋒拍擁抱戲。圖片標題 :Toby留院兩日期間拍照自娛。－－－－－－－－－－－－－－－－－－－－－－－－－－－－－－－－－－－－－－－新劇被逼易角唐詩詠頂上 Toby染惡菌劇痛求割鼻星島日報 http://hk.news.yahoo.com/article/090921/3/ec7u.html (星島)2009年9月22日星期二 06:30 (星島日報報道)梁靖琪(Toby)上周因細菌感染，令原本已經為新劇《翻叮一族》開了兩日工的她也要被逼辭演，最後由好姊妹唐詩詠頂替其角色。談到入院過程，Toby表示當痛至喊，她說：「直情求護士割個鼻下來。」文：娛樂組　　梁靖琪本已為新劇《翻叮一族》開工兩天，不過一星期前發生細菌感染，面部又痛又甩皮，最終要易角。Toby說：「當時個鼻先出問題，甩皮及出水，因為好近腦，所以立即入院，個幾小時後已經擴散到嘴啦，痛到火燒咁，我直情痛到喊，個鼻含了膿，都不知發生甚麼事，我一向不愛煩人，也忍不住煩個護士，我直情痛到求個護士割了個鼻吧。」　　出院返家休養　　同劇演員除了Toby，還有陳鍵鋒及夏雨等，她說：「雖然已經開了兩日工，不過身體要緊，同公司辭演及易角，因為無可能要全部人等我一個，都好心痛，無辦法，我要休息一個星期才可化妝。」Toby表示入了兩日院，現已出院在家休息，只見Toby在Blog 中上載了在醫院留醫的照片，見她手上插上針管進行「打點滴」。她說：「因為好近腦，所以要控制住，醫生話我抵抗力比普通人差，(你是否生蛇？)不是生蛇，是另一種皮膚病，現在要早點休息，每日也吃口服藥，不可以有壓力，希望快些康復，星期五還要和徐淑敏出席汽車活動。」　　不介意執二攤　　接棒頂替Toby的唐詩詠已開工3天，昨日也要拍外景，她說：「3日前公司打電話給我，要我拍此劇，翌日返公司開會傾劇本，之後就試造型，再隔一日就開工，都好急。」問到是否知道Toby被細菌感染，唐詩詠說：「知道，因為當日她不舒服，是我陪她去醫院，當時我都嚇到好驚，因為見到她好痛。」問到突然接演，會否應付不來？唐詩詠說：「實在太快了，第2集劇本已經出咗，要好好把握時間去睇熟劇本，都有壓力的，幸好一班演員知道我臨時加入，都好幫我入戲。」問到怕否被指執二攤？唐詩詠說：「唔驚，也不會介意，我只是希望Toby快點痊瘉。」　　新劇監製關永忠說：「因為是皮膚感染，即使痊瘉，化妝也會有問題，最後決定下換人，對劇集影響不大，因為只開了兩日工，補戲也不困難。」關永忠表示時間那麼急，對唐詩詠是一定心理壓力，幸好娥姐等前輩幫她。　　■梁靖琪早前已為《翻叮一族》開工兩天。　　■Toby在網誌中上載了其「打點滴」的照片。　　■唐詩詠與梁靖琪一向是好姊妹，估不到連角色後補也負責在內。(資料圖片) 　　■Toby在網誌中簡單的說出了染病情況。　　■《翻叮一族》的工作人員亦知梁靖琪因病而辭演的情況。－－－－－－－－－－－－－－－－－－－－－－－－－－－－－－－－－－－－－－－梁靖琪粉面含膿唐詩詠樂執二攤東方日報 http://orientaldaily.on.cc/cnt/entertainment/20090922/00282_021.html 由梁靖琪（Toby）、陳鍵鋒、伍詠薇、夏雨、商天娥主演的無綫新劇《翻叮一族》開工數日，女主角之一的Toby因面部皮膚受細菌感染要入院留醫，由於面部傷口未愈，Toby為要多加休息，惟有辭演《翻》劇，而她的角色改由唐詩詠頂上。前晚唐詩詠與陳鍵鋒為劇集拍攝外景，期間二人對於Toby因病辭演表示擔心，唐詩詠謂：「前日先收到通知要頂上，之前同Toby有合作過，佢去睇醫生我都有陪佢，佢話個鼻好唔舒服，起晒水泡發晒炎，痛到瞓唔着，醫生要佢留院，知佢尋日啱啱出院要休息多啲，唔可以流汗。（介意執二攤嗎？）唔介意，原先我係放假，睇咗劇本覺得角色好好，係一個好機會，Toby知我代佢，佢仲叫我畀心機演好啲。」陳鍵鋒感可惜至於陳鍵鋒對於今次未能與Toby合作表示可惜，他說：「未同過Toby合作，知佢因為皮膚有事開唔到工，都好可惜，不過依家都有另一個新鮮感，因為今次同唐詩詠係首次合作。（會唔會探Toby？）同佢唔熟，未知道情況，會嘗試SMS佢，希望下次再合作。」匿埋唔敢見人 Toby就透露住院兩日已出院，表示鼻部皮膚含膿、出水，感覺痛到似畀煙蒂辣親，她說：「醫生驚啲菌上腦，所以幫我打針，食咗藥之後有啲反胃，而我依家都唔敢照鏡，好多同事都話嚟探我，不過我費事畀人見到個樣。」圖片標題 : 早前Toby為新劇《翻叮一族》試造型，但最終因皮膚受細菌感染要辭演。（資料圖片）圖片標題 : Toby在blog上載了一些留醫時的照片。圖片標題 : 陳鍵鋒與唐詩詠對Toby無法演出感到可惜。－－－－－－－－－－－－－－－－－－－－－－－－－－－－－－－－－－－－－－－ Toby細菌入鼻急入院蘋果日報梁靖琪（ Toby）日前個鼻突然腫脹，醫生話佢細菌感染要即刻入院，留醫咗幾日已經出院喇。 Toby噚日仲將手插喉管吊鹽水嘅相放上 blog，佢話喺醫院痛到喊，佢呢次病仲臨時辭演咗無綫新劇《翻叮一族》。啱啱病好嘅 Toby噚日氣若游絲喺電話話：「醫生話我好嚴重，不幸中大幸係細菌未上腦，不過最可惜係套劇原本我扮夏雨囡囡，有機會偷師，但o依家要休息多啲，惟有辭演。」－－－－－－－－－－－－－－－－－－－－－－－－－－－－－－－－－－－－－－－ -- ※ 發信站: 批踢踢實業坊(ptt.cc) ◆ From: 203.64.246.10

推

kfroad

09/22 10:42, , 1^F

09/22 10:42, 1^F

→

kfroad

09/22 10:42, , 2^F

09/22 10:42, 2^F

※ 編輯: meihome 來自: 203.64.246.10 (09/22 10:44)

→

SmartDola

09/22 10:45, , 3^F