[新聞] 最近天氣冷 全臺非創傷OHCA.一氧化碳中毒增加
公視新聞網 https://news.pts.org.tw/article/789931
最近天氣冷 全臺非創傷OHCA.一氧化碳中毒增加
發布時間：2026/1/9 19:14 更新時間：2026/1/9 20:50
楊舒晴 林郁凱 / 地方報導
https://www.youtube.com/watch?v=DsRz568pEH8
最近天氣冷爍爍，早暗低溫攏無超過十度，全臺灣非創傷OHCA的人數，逐工攏有30人以上
，一氧化碳中毒的人數也佇寒天時陣增加。消防署提醒，厝內面有使用gá-suh的民眾，
毋管是欲炒菜、洗身軀，攏愛共窗仔門拍開。（新聞標題、導言及內文皆為台語文）
逐家排隊領外套，最近天氣真寒，尤其早暗的低溫攏無超過十度，予人冷甲爍爍顫，彰化
就有民間團體啟動低溫關懷，發外套予寒士、開放臨時歇暝服務，予有路無厝的人
人安基金會彰化平安站站長 游山河
這馬早暗溫度有較低，有一寡心血管疾病的朋友，若佇外口會較危險，平安站遮 (天氣)
15度以下有開放，暗時臨時安置，予一寡仔有需要的人來遮(歇暝)
天氣冷吱吱，也予病院急診人數增加，根據消防署的統計，這個月逐日攏有將近30人非創
傷OHCA，尤其是拜四人數來到40人。
彰基醫學中心急診暨重症醫學部主任 邱俊杰
1月初6開始 因為天氣寒，有幾類的病人有增加，主要是高血壓族群，閣有高血壓引發的
併發症病人為主，另外閣有消化道出血的患者，嘛有明顯增加
除了OHCA人數增加，消防署嘛提醒最近寒流到位，民眾窗仔門關傷絚，用gá-suh熱水器
洗身軀、或者是炒菜攏有可能會造成一氧化碳中毒，月初到今攏總有7人送病院。
消防署危險物品管理組科長 王佩琪
其實只要有使用著gá-suh的狀況，氧氣不足就會造成著火無完全，產生一氧化碳所以佇
往過，嘛會有少數案件伊會有民眾，佇厝內有燒炭取暖，造成一氧化碳中毒的案例
消防署也提醒，捷造成一氧化碳中毒的原因，佇室內裝gá-suh熱水器、露台窗仔門無拍
開、灶跤無通風，閣來就是排氣管裝毋著，一定愛裝白鐵仔才是正確的。消防署提醒民眾
，裝熱水器一定愛請合法的師傅，若無證照烏白裝，上重會當罰五萬箍，尤其是過年欲到
矣，真濟民眾會煮火鍋或者是燒火爐，攏愛特別注意。
記者 楊舒晴 鄭亞宣 林郁凱綜合報導
鄭宇汘/編輯
--
※ 發信站: 批踢踢實業坊(ptt.cc), 來自: 111.255.105.134 (臺灣)
※ 文章網址: https://www.ptt.cc/bbs/Gossiping/M.1768128948.A.A2C.html