[新聞] 金曲35入圍公佈翁立友、許富凱閣爭台語歌王

看板Gossiping作者CCY0927 (茹絮夢)時間3周前 (2024/05/17 21:23)推噓11(11推 0噓 5→)

留言16則, 15人參與討論串1/1

公視新聞網 https://news.pts.org.tw/article/695431 金曲35入圍公佈翁立友、許富凱閣爭台語歌王發布時間：2024-05-16 19:15 更新時間：2024-05-17 08:38 郭柏均林郁凱 / 台北報導 https://www.youtube.com/watch?v=Do_bA7CJvW8

第35屆金曲獎頒獎典禮6月29欲佇台北小巨蛋舉辦，今仔日公佈入圍名單，台語創作競爭真精彩，唱台語歌的翁立友、許富凱閣再挑戰台語歌王；台語歌后有第一擺挑戰台語專輯的原住民歌手巴奈，閣有資深台語歌手黃妃；最佳台語專輯有搖滾風格的滅火器、抒情風格的少年樂團青虫、歌王許富凱，入圍名單真多元，各種風格攏有。（此則新聞標題、導言、內文皆為臺語文。）第32屆金曲獎最佳台語女歌手曹雅雯，「台語真正是真美妙的文化，會使有無限可能，希望逐家通互相交流。」講台語當時行，用台語創作、也有真濟少年輩加入，台語歌手曹雅雯發現，台語創作、是愈來愈多元。第32屆金曲獎最佳台語女歌手曹雅雯，「佮意台語的年歲層，已經沓沓咧下降，所以這馬有真濟，台語毋是母語的人士，也鬥陣加入製作台語創作的領域內底。」今年金曲獎，台語創作捙拚精彩。第20屆台語歌王翁立友、閣再挑戰35屆最佳台語男歌手；獨立歌手鄭平、以伊的第一張台語創作專輯《簡單一句話》入圍；林俊逸閬九年推出的台語專輯《上好的一年》也入圍；31屆台語歌王、律師歌手蘇明淵也來挑戰；32屆台語歌王許富凱這擺也無缺席。原住民歌手巴奈頭一張台語專輯《夜婆》，就予伊入圍最佳台語女歌手；資深音樂人熊美玲以專輯《一路平安》入圍；33屆台語歌后江惠儀、這擺閣再挑戰；出道超過20年的黃妃也榜上有名；過去提名兩擺最佳台語女歌手的蔡家蓁，這擺也閣再入圍。落尾獨立歌手鄭平《簡單一句話》、獨立樂團青虫《海海人生》、樂團滅火器《家和萬事興》、巴奈《夜婆Iā-Pô》、熊美玲《一路平安》、許富凱《五木大学》。攏是最佳台語專輯獎的入圍名單。金曲獎台語歌曲仙拚仙，對搖滾樂團滅火器、第一擺挑戰台語歌的巴奈、溫暖歌聲唱出人生悲歡離合的蘇明淵，各種曲風攏有。文化部長史哲，「特別貢獻獎，劉清池、鄭華娟，劉老師是咱台語編曲的老大，鄭華娟女士，應該就是對華語到新台語。」特別貢獻獎，分別頒予寫出《惜別的海岸》、《愛拚才會贏》這寡出名台語歌的編曲家劉清池；閣有今年佇德國離開人間，迒過華語、新台語時代的歌手、詞曲作家鄭華娟。第35 屆金曲獎頒獎典禮，6月29就欲佇台北小巨蛋舉辦。洪家馨/編輯 -- ※ 發信站: 批踢踢實業坊(ptt.cc), 來自: 111.255.125.58 (臺灣) ※ 文章網址: https://www.ptt.cc/bbs/Gossiping/M.1715952212.A.73F.html

推

ypoloii

05/17 21:24, 3周前 , 1^F

05/17 21:24, 1^F

推

CMPunk

05/17 21:24, 3周前 , 2^F

05/17 21:24, 2^F

推

taiwan08

05/17 21:24, 3周前 , 3^F

05/17 21:24, 3^F