[新聞] 推廣趣味學臺語學者出版入門文法冊解破

看板Gossiping作者CCY0927 (茹絮夢)時間2年前 (2022/06/25 22:55)推噓2(3推 1噓 5→)

留言9則, 7人參與討論串1/1

https://news.pts.org.tw/article/587305 推廣趣味學臺語學者出版入門文法冊解破洪敏真莊沛文 / 台北報導發布時間：2022-06-25 19:15 更新時間：2022-06-25 20:09 https://www.youtube.com/watch?v=VZA_JETZR3U

台語的句法和詞彙比較，講起來萬底深坑，台文學者劉承賢這十年外綿爛整理、做語言比較，最近和出版社出一本紹介台語句法的入門冊，用古錐的插圖和趣味的例句，希望唌閣較濟人來感受台語的濟變化和世界的牽連。掃QR code就通聽著做這唸這句「食飯飽、啉酒醉，袂講做食飽飯、啉醉酒」台語詞句，也通知影原來台語的句法遮多變。台師大台文系副教授劉承賢講：「我就是欲寫予一般對台語可能會曉講，毋過對台語無啥物概念，對語言學完全毋捌的人。」就連台語詞彙多音多義的特色也有收，華語孤一字「癢」，台語有癢tsiūnn佮擽ngiau，硬，台語有tīng、硬ngē的講法，找、揣tshuē和找tsāu，遮攏是台師大台文系副教授劉承賢十外年的觀察和整理。台師大台文系副教授劉承賢表示：「共所有的例句攏盡量套冷智識，予人咧讀的時陣，上無有一寡點會當較心適淡薄仔。」五花鹽編輯長凌可樂分享講：「阮共所有佮文法相關的物件，攏用細字藍色的字囥佇邊仔，這攏是一種畫重點的做法，就算你原本對台語無了解，對語言學也無研究的人，看起來伊就誠友善，就會感覺我敢若嘛看有。」欲成功結合語言學和台語，出版社講一定愛貼近少年人的生活，in用大約一年和劉承賢討論，換趣味的例句，也用古錐的插圖，予台語句法的入門冊，時行閣鑠奅。台師大台文系副教授劉承賢：「我刁工提足濟語言來比較，企圖就是希望台語是一个世界的台語、現代的台語，伊毋是佇咧固定的範圍內底，固定的框殼內底。」對韓語、德語、加拿大原住民語到日語等等，斟酌和台語句法做比較，劉承賢講只希望跳脫過去學台語揣本字、標聲調的方式，予閣較濟人會當體會語言就是文化，伊佇咱的生活、無國界。 --- 【延伸閱讀】 https://i.imgur.com/gIBgck5.png