[影音] 祭外公文(請幫忙祈福..謝謝您)
[如不合適此版請版主幫D，謝謝]
外公因肺線癌過世，由於我們家人的感情很好，
加上他老人家後期痛到話都說不出...大家看他這樣都很哀傷..
以前外公身體很硬朗，但在這半年迅速衰老，癌症真的很恐怖..
6/12 下午我們舉行祈福法會
希望你能在線上給予我們一點點的念力，讓生病的外公好好走..
如果你家裡也有得癌症的家人，我也祝福你們親愛的家人恢復健康，謝謝
祭外公文
http://www.youtube.com/watch?v=1Q8ozPUhOkk
-----------原文(部份文字顯示不出來，請見諒)-----------
對爸爸講个話
一陣一陣「ㄍㄧ— ㄍㄧ— ㄍㄧ—」个蟬仔聲在該樹頂緊噭，敢係阿爸過身，所以也摎
恩里共樣艱苦、難過。
六月一號朝晨頭五點半，救護車摎阿爸送轉橫山香園窩个老屋，一直到七點二十
五分透最尾一口氣，結束阿爸个人生。
阿爸平常為人公正，對人寬容，人人安腦。還記得有一擺，阿爸因割盲腸待院，醫院共間个病人講話大嬤牯聲，阿爸想：該係麼儕講話恁吵人，?知對方摎窗門簾一掀啊開來
正知，這個某某人識分阿爸救過一擺，因為佢頭擺偷摘公眾摎等个果子，分人綯到大樹下
，阿爸做事轉來看啊著，黏皮摎索仔解開，放佢轉屋下。難怪，雖然經過恁多年，該個人
還記得爸爸，心肝肚還係當感謝阿爸。
??吔識聽爸爸講過，佢讀國小个時節，摎同學去八十份該位尞，還共下跳到深潭去泅水，?知厥同學續分扭皺窟捲下去，阿爸黏皮就順等旋轉个形泅下去，堵堵好唇頭有一頭大
樹，阿爸就一手搬等大樹，一手摎同學拉出來。該量時阿爸正讀國小定定，係無勇氣，無
救人个心，無聰明个頭腦，就毋會成功啊！
爸爸從十四歲就開始會用犂田機打田，摎爸爸个阿哥共下滿奈仔摎人打田賺錢。四十二歲去竹北飛利浦廠食月給，還利用下班个時間種洋菇、畜蠶仔、畜豬仔；五十八歲在飛
利浦廠退休，一心一意畜豬仔賺錢。爸爸一生人為家庭、餔娘、子女操勞，煞猛、省儉過
日仔，正經係典型个客家人。
爸爸，請你放心，??兜子女會學習你煞猛、省儉个精神，認真做頭路，吔會好好照顧媽媽，望你在西方極樂世界跈等佛祖修道，能夠快樂像神仙。
最尾，愛承蒙叔伯阿哥、阿姐摎阿嫂个幫忙，隔壁鄰舍、親戚朋友个相惜，承蒙大家！
--
※ 發信站: 批踢踢實業坊(ptt.cc)
◆ From: 114.45.186.235