[新聞] 阿Sa家有醒目狗趕絕賊仔

看板Twins作者racemillet (流年)時間19年前 (2005/08/02 08:14)推噓17(17推 0噓 5→)

留言22則, 7人參與討論串1/1

香港蘋果日報 2005.8.2 組合Twins前晚o係西貢拍攝新歌MV，趁空檔同工作人員去大埔仔一間茶餐廳食晚飯。雖然Twins兩個都做o左小富婆，不過佢o地對食o既要求唔高，去邊度食o野都冇所謂。蔡卓妍（阿Sa）話好難得可以舒舒服服坐低食餐飯，佢話：「好多時我o地o的通告都係一單接一單，有時甚至連食飯o既時間都冇，所以今日可以成班人坐低食飯真係好難得。」而鍾欣桐（阿嬌）亦有同感，佢話：「去邊度食唔緊要，最緊要係o的o野食好味o者，大牌檔我o地都會去o架。」出街鎖窗花不過o個晚Twins所到o既茶餐廳附近發生爆竊案，藝人唐麗球屋企俾人爆格，Twins知道後話佢o地住o既地方保安都好嚴密。阿Sa話屋企有幾重保安，每次出門都會閂晒所有窗，連窗花都上鎖，佢話：「我屋入面有個好強o既保安，就係我隻狗啦，佢好靈敏o架，一聽到少少聲都係咁吠，我工人長時期o係屋企，電梯位又裝晒閉路電視。」至於同屋企人一齊住o既阿嬌就話：「我屋企都有好多保安人員，都幾嚴密o架，我隻狗亦都好敏感，佢聽到電話響都會不停咁吠。」此外，阿Sa主演o既電影《情癲大聖》噚日o係北京舉行記者會，謝霆鋒因發燒返o左香港睇醫生，得番阿Sa同范冰冰撐場。阿Sa o既終極豬扒look o係內地首次曝光，嚇到o的傳媒嘩嘩聲。圖1 http://tinypic.com/9sq6w2.jpg