[新聞] 林峯多謝支持宇宙最chok
東方日報
2010年12月07日(二)
林峯的招牌chok樣近日惹來討論，除了被搞笑節目多次揶揄，前晚頒獎禮又成焦點，慶功
時連fans也拿其chok樣玩埋一份，指偶像是「chok樣no.1」，場面搞笑。王祖藍似有感「
玩大咗」，昨日亦有在微博向林峯的fans致歉。
「萬千星輝頒獎典禮2010」前晚圓滿結束，由於視帝早已成陳豪及黎耀祥二人之一的囊中
物，故林峯奪得官方網頁的人氣大獎及「我最喜愛的電視男角色」獎已算豐收。
林峯於台慶奪兩獎，與半百fans開香檳慶祝。
盼抽空陪家人
頒獎禮結束後，林峯於電視城外與半百fans慶祝及預祝十二月八日生日，fans送了多份禮
物給他，還送了一個紙做的獎座，負責送獎座的fans竟表示：「chok樣no.1呀！」場面搞
笑。林峯表示生日願望是工作順利，及於明年可以有多些時間陪家人：「都知嫲嫲年紀開
始大，想多啲時間陪佢。（送曾孫畀嫲嫲？）呢啲等細佬妹做啦！（你唔得咩？）邊有時
間吖！」另外，對於被外間質疑連奪兩獎及被無綫自己人狂寸chok樣，林峯昨日接受電話
訪問時表示：「據我所知嗰兩個獎都投票得嚟嘅，多謝fans同觀眾投我票同咁耐嘅支持。
（畀自己人玩？）我唔介意，知係玩啫，大家都係講下笑。」
有份惡搞林峯chok樣的福祿壽之一的祖藍，昨日於微博向林峯fans致歉，他接受電話訪問
時稱：「我哋三個人分開度橋，點知好似插咗林峯三嘢咁，我同峯師兄係好朋友，今次喺
微博係希望同佢講番聲，同埋安撫佢fans。」他又透露林峯前晚亦有出席福祿壽演唱會慶
功，大家碰面時沒尷尬。
大家玩完就算
《荃》的監製何小慧則稱：「大家玩完就算，其實唔只節目有玩，頒獎禮都有玩啦！我都
明林峯fans係忠心，大家都係錫佢。（公司批准？）用批字太嚴重喇，如果出面人唔講得
，自己人又唔講得嘅話，創意空間會好細！」
文：影視組
--
※ 發信站: 批踢踢實業坊(ptt.cc)
◆ From: 120.107.56.158