[心得] 隊長的回顧
時間過得好快...能夠係場上發號司令,
同大家係籃球場上奔跑左成年,係我o既榮幸...
首先要感謝阿宏同大鴻,因為你地舊年o既熱心,
所以先有港澳會籃球隊o既出現...
由以前o既三五成群到河堤打波,到而家可以有自己o既場練習,
全賴大家o既努力..
好多謝今年十幾位不離不棄o既隊員,更加多謝兩位經理o既無私奉獻....
而對於每一位支持過籃球隊o既觀眾....在此向你地說聲衷心的多謝....
今晚大家都傾得好開心,交流左好多意見...
以下係我呢一年黎o既少少回顧:
----------------------------------------------------------------------------
1.<< 初當隊長 惆悵無限 >>
雖然打左籃球好耐,但始終未做過隊長,自知本身並冇領導才能,
對於戰述的掌握亦未夠充分,至於調乒遣將,更是一籌莫展.....
幸好,得到大家o既合作...我地籃球隊係9 月正式起跑...
起初大一o既新血都好擁躍,不過能夠堅持到今日送舊o既著實唔多...
係9 月同10 月,由於場地o既關係,大家都係以半場練習為主,
直至11 ,12月o既正式練習...
呢段日子,係我地球隊練習最齊人o既時期,每次練習,
兩個經理都幫場上十幾個球員紀錄進度....
還記得我們練過什麼嗎? 跑圈,拍板,罰做掌上壓.....
2.<< 啼聲初試 比賽揚威 >>
輔大友誼賽: 同埋排球隊,三十幾人渣車到人地主場,係烈日當空之下,
見證左球隊o既第一場勝利.....
四校聯賽: 因為種種原因,我地o既兩位主力,當時未准落場,
而且阿豪更打到右膝受傷...
係好多不利因素之下,我地同師大打得非常激烈,
最後係觀眾o既助威之下,我地戰勝師大,雖然最後輸比輔大,
不過大家係呢次都獲益良多....
僑外盃: 當初舉辦3 打3 o既原意,就係想所有籃球隊員
都可以盡展所長,盡情發揮...
過次比賽真係毅力同體力o既考驗,而同阿宏,肥勤加足
兩次時o既比賽,仲係記憶猶新...
3.<< 各有各忙 士氣低落 >>
到左下學期,真正齊人練波o既次數,屈指可數...
最記得有一次朝早練波...10點鐘去到個場得我一個...
打左成朝,真正係籃球隊o既人只得五個..
呢次應該係有史以黎練波次數最少o既一次...
成日同大家講: 有付出 就有收穫
係下學期,大家o既付出都少左,所以收穫亦都少左...
係椰林匹克,我地打出今年最差o既比賽,不過正如我之前所講o既:
輸嬴唔緊要....最緊要o既係要知道:"係邊度跌低,就要係邊度爬番起身..."
打波有贏,就一定有輸....輸贏並唔係一個人o既責任...
在此再次勉勵大家,以後打波,贏左唔好驕傲,輸左亦唔好氣餒...
4.<< 眾志成城 球隊加油 >>
今日係我下學打波最開心o既一日...
沉寂左一輪o既球隊,今日終於打出左士氣,
見到大家赤著上身,係球場上不停咁跑,真係打得好開心...
同畢業隊o既一場世紀之戰,亦使大家銘記...
最終希望各位隊員繼續與兩位隊長緊密配合,互相鼓勵 ...
為籃球隊再創高峰.......
前籃球隊長
--
※ 發信站: 批踢踢實業坊(ptt.cc)
◆ From: 140.112.246.149