[轉貼]香港人論頭文字D

看板InitialD作者GodIsland (GodIsland)時間20年前 (2005/06/30 12:08)推噓15(16推 1噓 2→)

留言19則, 17人參與討論串1/1

我唔係見到港產片都會踩的人, 我都覺得功夫好睇但呢次真係太令人失望! 我不會以動/漫畫版頭D去討論, 如果要比動漫版, 無意思; 我入去之前都係預左當新戲睇之前我都講過, 角式/故事次序大兜亂同埋選角其實係無問題問題係佢根本拍唔出原著神髓首先, 最大賣點係飛車場面, 剩係呢個都絕不合格! 路邊太多"假燈", 成條馬路都係一支支綠色/紅色柱燈, 攪到成個秋名山似正式場多過街; D觀眾擺位極之求其, 唔密集(其實呢點可以用鏡頭補位, 但有關方面無感做) 完全無黑夜飛車的感覺! 好失敗! 背景音樂求其得來又極難聽; 之前動漫版的高水準音樂/歌曲係無晒架! 果D飛車時的音效就以旁白代替!! 不過好似講馬感, 仲全程講足晒喎! 內容講得極求其, 好煩! 以識車既人黎講, 死罪仲多: 全無音效可言, TURBO車連BOV聲都無! 原著中EVO3個MISFIRING SYSTEM無左, 感覺爭好遠; 踩BRAKE時間, HEEL&TOE時間完全錯誤! 鬥大直線點解要用爭趾? 有關方面唔係當觀眾低能既, 不過係佢自己都唔明白爭趾係出黎仲咩姐, 由不了解基本技術的人來處理賽車場面, 真的太好笑了! 另外最簡單的一個例子: 3車鬥時FC墮後, 涼介為左要墮後要踩大BRAKE!!?? 車速禁快時要特登墮後, 其實只要縮油門便可以, 呢點唔好話渣過車啦, 真係打過機都知只可以說, 佢地根本就無做到資料搜集! 可以話真的求其整D飛車鏡頭抄埋一舊就算! 日本人真係認真好多, 人家真係找專業賽車手做顧問其實上述D野對唔識車既人黎講可能唔明, 但稍為識車既人都知道呢D係好基本; 即係好似踢波踢出界就會有界外球感, 連基本知識都犯下嚴重失誤, 實在不可接受香港電影工業真的不可怪衰落, 不認真不自強又點會抵幫? 再說, 以電影論電影, 剪接, 分鏡都極之低手唔知大家有無睇過百份百感覺TV版? 佢就係成日用上果類急停/慢動作/同一畫面以漫畫式分格講真呢D效果只係D初學攝影先會用, 自已用DV貪過癮整下就好玩姐!! 動畫版都唔用呢D手法啦! 以我所知真係台灣/大陸劇集先會用架咋! 但呢D手法根本同個故事格格不入, 而且過份∂用, 效果極其惡劣!! 電影手法的不足亦影響到賽車時的觀感好似R32對86呢一段, 其實就係動漫中FD對86的一段動畫中啟介慢慢見到後尾燈, 唔知咩車, 再在彎中見到86之影, 感覺驚嚇, 再走極都走唔甩, 成頭大汗, 再比86過; 成段的描寫真的用了好多心思去攪到觀眾熱血沸騰, 人地真係用過腦架! 電影嘛, 一開始時都知係86啦~成條街禁鬼光; 余文樂見到, 笑; 之後比佢過, 無野個喎! 見住86走, 又係得個傻笑! 真係好鬼低能囉但呢段已經係最好睇架啦, 因為無旁白..... 香港都有本土漫畫講鬥車, 車又形又有歐洲車添! 但點解香港類似的競技漫畫無一套得? 因為當中內容無核心價值成功的日本競技式動漫其實有一個共通點: 都以自強不息, 遇強愈強為原則無論競技形式如何, 就算個敵人幾黑人憎, 但到比賽時都係強調大家在公平的平台上分高下比賽完後大家都會欣賞敵手的存在對自己實力的提升, 唔會串來串咀好似棋魂感, 我膽敢說根本99%既FANS都唔識捉圍旗! 但棋魂就係好睇在個主角不斷奮鬥既過程足球小將亦然, 頭文字D亦然! 只求觀感上的刺激, 但內容空泛, 無用的! 導演/編劇就係連呢D禁基本既道理都唔察覺得到, 後來好多場鍊車只為令對手無FACE, 車手們為表現自己而玩命帝皇隊就係慘被描寫成感, 完全係"港式黑社會鬥氣劇情"! 實在將原著的精神完全破壞! 令人氣憤!! 去到日本上映香港人真係顏面無存仲有太多想講, 但已經好長; 在此我忠告各位(尤其係車迷/頭文字D迷)千萬不要入場睇呢套野真係BT好了, 去買老翻我都覺得晒錢! 係感 -- ※ 發信站: 批踢踢實業坊(ptt.cc) ◆ From: 59.104.212.162

推

b1uecat

59.104.60.104 06/30, , 1^F

59.104.60.104 06/30, 1^F

推

ROCAF

140.115.237.122 06/30, , 2^F

140.115.237.122 06/30, 2^F

推

haedo

140.129.59.42 06/30, , 3^F

140.129.59.42 06/30, 3^F