[閒聊] 愛回家最後一集

看板HK-drama作者csdkfhvm (阿爾法半人馬座)時間9年前 (2015/07/03 22:04)推噓14(14推 0噓 8→)

留言22則, 14人參與討論串1/1

雖然我並非愛回家忠實FAN，不過因為愛回家都播左好幾百集，所以得閒都會睇吓。不過並非經常follow，加上之前人在澳洲，就更加少收看。不過我而家人在香港而今天是舊版愛回家的大結局，所以就可以睇直播。因為並不太清楚明白愛回家各線，所以就打閒聊，而且可能有錯，就請大家賜正。以下有劇情雷，可能減低觀看興趣。開頭就是馬家一家去左遊輪之旅，之前Facebook有人估馬家一家去旅行出意外，不過以愛回家畫風根本無可能發生。而之後劇情就以一年後馬壯打贏一單大官司要接受訪問為主線，係之前就係馬家食飯日常，子仁老婆有左BB，子妮做左慢活工坊？？老闆。馬柔同亞域恩恩愛愛（始終接受唔到馬柔同涼粉因為一個病而分手＝＝）。而劇情中有個伏筆就係影住馬虎憂心仲仲個樣。之後就到馬壯律師行，接受東張西望訪問。（起碼都叫南張北望吖，安利節目到咁出面）之後就各人相相對對。呢個同呢個一齊，嗰個同嗰個一齊。重點有： 1.霞姐生左一對龍鳳胎 2.（歡喜冤家）查生同畢凡嘈要唔要比馬壯一間房同助手 3.Maggie姐有左BB 4.（馬壯真愛）曹總接受訪問大讚馬壯 5.KC係節目上賣律師行廣告，仲婊某KFC代言人XDD，係今集最大笑點 6.爆出馬壯有律師唔做去做返師爺之後就去執到寶訪問馬強，有我個人認為極噁心的溫情戲。之後回到馬家，馬壯偷偷地講大嫂係有超多私己錢的超級富婆（我仲記得留比子妮三百萬嫁妝XDD）而馬虎接受訪問對於馬壯做返師爺無咩意見，只要他喜歡，是正直的事就OK （好似係咁意思，唔係好記得）之後全部人到子妮鋪頭睇訪問，馬壯說他做返師爺的原因係唔想因為工作而忘記家庭，驚睇唔到老豆最後一面。 Finally，就係馬壯愛情線～～～馬壯一邊一直坐叮叮，一邊回憶同Alex的情節，到最後坐到比人趕落車之時見返Alex 之後兩人就係超老土超娘的相見而笑之開放式ending 雖然我唔係好喜歡馬壯同Alex的感情線，但係如果係open ending，做咩X野要用咁多時間去寫佢地感情線，又清清又任我行又去外國，條感情有等於無，只能講個感情結局好無誠意。 PS1其實處境劇我最鍾意皆大歡喜古加今，同事三分親次之 PS2對於新愛回家，張繼聰我ok, 不過黃翠如我麻麻地，不過都用新人新組合，點解仲用愛回家個名，分明掛羊頭，賣狗肉。 -- ※ 發信站: 批踢踢實業坊(ptt.cc), 來自: 119.246.155.220 ※ 文章網址: https://www.ptt.cc/bbs/HK-drama/M.1435932247.A.A2E.html

推

dtdon1699

07/03 22:07, , 1^F

07/03 22:07, 1^F

希望你睇得明啦 ※ 編輯: csdkfhvm (119.246.155.220), 07/03/2015 22:08:14

推

KingKingCold

07/03 22:22, , 2^F

07/03 22:22, 2^F

→

KingKingCold

07/03 22:23, , 3^F