[新聞] 劉江講心事

看板HK-drama作者wasabi1 (wasabi)時間9年前 (2014/08/29 20:15)推噓6(6推 0噓 2→)

留言8則, 6人參與討論串1/1

劉江講心事無綫甘草演員劉江，演過無數劇集和角色，印象中的他總是勞勞氣氣，且有點惡，但這天跟他談了一句鐘，眼前的他卻是個風趣幽默的老人家，叫他評論後輩，他會話：「哈哈，講呢啲！」笑聲此起彼落。在演藝路上，幾乎走了半個世紀的劉江，今年年尾將約滿無綫，對演戲仍有團火的他，當然不想退下火線，但奈何身心的疲累，教他難以決擇，原來他曾在33歲那年中過風，經常警惕自己要愛惜身體，霎時間想起已故好友陳鴻烈，他哽咽的說：「我好懷念佢。」鐵漢也有動情的一面。最近幾乎晚晚見到劉江，劇集《載得有情人》見足五晚，連星期日播的《我們的天空》都有他，事關無綫正鬧「甘草荒」，他不禁說：「依家啲仔女（指劇集內），唔係冇阿爸就冇阿媽，個個都係單親，一係索性唔寫。」去年無綫向五位甘草演員頒發「傑出演員大獎」，給他們肯定及嘉許，劉江是獲獎人之一，「我成日發聲同公司講，要照顧上咗年紀嘅演員，要有規範先可以持續，以前後生就為咗生活，依家製作嘅方式時間太長，我想幫手頂，但身體話畀我知唔可以。」忠於自己工作的劉江，坦言仍熱愛演戲，會否續約？他說：「我希望一部接一部，呢個年紀唔可以再日接夜，夜接日，自從蝦叔（關海山）、鮑方叔走咗，真係走一個少一個，人跌低咗就好大鑊，我驚自己有一日...」此時他臉色一沉紅了眼，停了數秒哽咽的說：「烈哥（陳鴻烈）離開，對我好大警惕，大齊拍《畢打自己人》，當日我睇住佢走...我好懷念佢。」想起故友，眼前的劉江禁不住流下男兒淚。壯年中風沉默了數分鐘，劉江勾起自己30多年前的經歷，他說：「其實我33歲嗰年中過風。」那時他正在麗的電視台拍緊《人在江湖》，當時電視台有間房留給他休息用，可想而知他有幾忙，但房間從未用過，人卻倒下來，他說：「嗰日我飲完茶要去開工途中發生，腦血管栓塞，半邊身唔郁得，嗰刻我先識驚，見到個仔仲咁細，眼淚就標出嚟。」幸好他的情況不算嚴重，住了九日醫院，但是當時劇集是一邊拍，一邊出街，公司諗計如何運他回去拍幾個鏡頭，但一講到醫療費，公司就指他不屬於工作中病倒，故不負責，令劉江非常心淡。從此劉江好注重健康，他說：「中風後我好警惕，甚至懷疑自己會唔會再中，自己鍾意食五花腩咪食少啲囉。」幸好他保養得宜，吃得清淡，只患有老年高血壓，可食藥來控制。不過有一次拍劇，因劇情需要不得不動氣，他說：「嗰次同宣萱拍緊《離島特警》，我要鬧佢，鬧完之後自己手都震晒，個心跳得好厲害，我就自己走開，飲啖水來冷靜吓。」為後輩發聲拍戲超過40年，當過副導、武師、配音等崗位，到現在對劉江來說，他沒有甚麼得與失，唯一就是恨有個女兒，他笑謂：「女錫老竇嘛！我得一粒仔，佢40歲結埋婚，但係唔生仔。（恨抱孫？）見到人哋有都恨㗎！」講起家庭，字裏行間感受到劉江很疼錫太太，夜收工怕嘈醒對方，索性在車內睡一會，去年上台拿獎，劉江笑說：「嗰日係我同太太結婚40 周年。」談起夫妻之道就是互相忍讓，但他調皮的話：「梗係我忍佢多啲啦，哈哈哈！」回復笑聲的劉江，叫他評論時吓年青一輩的演員，他鬼馬地說：「講呢啲！」不過他仍回答：「依家被捧嘅演員都好慘，個角色唔啱佢做，啲弱點暴露晒出嚟，做得唔好又畀人鬧，真係好辛苦。」講到底，劉江都係錫住班後輩嘅。 SOURCE: http://www.weibo.com/p/1001603748863071668438 -- ※ 發信站: 批踢踢實業坊(ptt.cc), 來自: 219.79.46.9 ※ 文章網址: http://www.ptt.cc/bbs/HK-drama/M.1409314512.A.8F0.html

推

Monoprix

08/29 21:15, , 1^F

08/29 21:15, 1^F

推

lawrence99

08/30 00:18, , 2^F

08/30 00:18, 2^F

推

season002

08/30 02:01, , 3^F

08/30 02:01, 3^F