[新聞] Chilam視帝「死因」贏民心輸專業投票

看板HK-drama作者wasabi1 (wasabi)時間10年前 (2013/12/18 07:56)推噓22(22推 0噓 21→)

留言43則, 17人參與討論串1/1

Chilam視帝「死因」贏民心輸專業投票「Cool魔」張智霖飲恨失視帝，更在台上發表「義氣仔女論」，面對「死因不明」的賽果，Chilam拋開煩惱繼續慶功，但原來其痛失視帝全因失掉專業評審的心，再加上同劇的「 Sam哥」吳鎮宇分薄票源，才令Chilam輸給黄子華。無綫前晚舉行《萬千星輝頒獎典禮2013》，53歲的黃子華憑劇集《My盛Lady》奪視帝，而賽前呼聲最高的「Cool魔」張智霖（Chilam），則大熱倒灶痛失「帝位」，僅奪得「我最喜愛的電視男角色」。無綫顯示最佳男主角最後三強成績表時，僅顯示「總成績」「專業評審投票」及「TVB fun投票」的排名及得分，但沒有公布演員的姓名，令全城競猜「 Cool魔」失落視帝之謎。據知，Chilam於總成績排第二，馬國明第三，「Sam哥」吳鎮宇則是梗頸四。在觀眾票選排首位的Chilam雖然是「民心視帝」，但卻得不到專業評審青睞，而在專業評審票選中，子華以首名出線，第二位則是與Chilam在《衝上雲霄II》的拍檔鎮宇，分散了票源，Chilam僅得第三，令他失去不少分數，而在總成績上輸給黃子華。炮轟助導失票據知，專業評審由一眾幕後工作人員投票，前晚在台上自爆曾自行改劇本及多次重拍戲份的Chilam，去年曾在微博炮轟《衝上雲霄II》助導亂發通告，他與陳法拉在古堡的激情戲及在結局篇戲份亦被大幅刪減，連老婆袁詠儀亦看不過眼，在微博留言表示不滿，可能因此令Chilam失掉部分專業評審歡心。不過Chilam前晚接受傳媒訪問時，坦言早有心理準備：「大熱係要嚟倒灶，最唔抵係輸畀太太。（台上指無綫唔鍾意自己？）我講笑咋！只係想搞氣氛，本身諗住食白果，依家得四個字『心滿意足』﹗」而他在慶功時，更指賽果皆大歡喜：「依家嘅賽果係最正常，如果我拎，鎮宇啲Fans都會躁啦！大家各有支持者，係皆大歡喜。（影響同無綫日後合作？）梗係繼續拍啦﹗好多謝無綫畀個好好嘅平台同機會我，其實係雙贏局面。」未有拍官方照另外，Chilam前晚完騷後，接受完《東張西望》訪問便離開，未跟無綫安排影官方照，企業傳訊部副總監曾醒明強調，頒獎禮前後應該有工作人員通知，他更表示Chilam指有事要先走。而Chilam經理人蕭定一，則解釋無綫只通知他們視帝的賽後安排，未有指角色獎要留低，應該是雙方溝通有誤。 Source: http://the-sun.on.cc/cnt/entertainment/20131218/00470_001.html 父母入城補遺憾江美儀隊香檳慶祝許紹雄與江美儀是公認的好戲之人，前晚分別奪得「最佳男、女配角」獎，江美儀在頒獎台上致詞時，哭着表示最遺憾是攞不到門票給父母入場。不過，完場後，其父母親臨電視城祝賀「補數」，江美儀又跟門外十多名Fans開香檳慶祝。而許紹雄昨日接受電話訪問時笑說：「有乜咁開心啫！（一早應得？）又唔可以咁講，冇乜話應唔應得。（老婆、女兒有睇電視？）我外母啱啱喺新加坡返嚟，佢哋去咗接機，但都有Send短訊畀我。」問到在台上表示沒時間陪家人的他會否「補飛」，抽時間與家人旅行？他說：「補！農曆年返新加坡旅行。」 Source: http://the-sun.on.cc/cnt/entertainment/20131218/00470_002.html 靚靚贏鑽石手鐲「多謝」無綫袁詠儀（靚靚）早前曾與老公Chilam打賭，若他失落視帝，便要送鑽石給老婆。前晚落敗的Chilam即兌現承諾，並即場為靚靚舉行簡單而隆重的送禮儀式，雙手奉上價值6位數字的名牌鑽石手鐲，並親自為靚靚戴上。雖然靚靚表示一早估到賽果，但亦不忘暗寸無綫：「我最叻啦！估到先會同佢輸賭，一早明白呢個遊戲玩法。」靚靚又在微博留言「多謝」無綫：「多謝TVB！多謝Tommy、珍姐、樂小姐、Sandy！及807位專業評委，沒有你們神聖的一票，這手鐲絕不會在我手上！」句句有骨。此外，好友蔡一智及伍詠薇亦留言撐Chilam，蔡一智寫道：「不止是最受歡迎男角色，絕對係我們心中的最佳男主角！」而伍姑娘則為Chilam澄清小器傳聞：「認識張大仙的人，都知他個性，聰明活潑的他，識玩自嘲的黑色幽默兼有Guts的真心言論，實在難得又有型又有個性，同小器沒關係，抵咁多女粉絲冧你，幽默鬼，I love you brother。」 Source: http://the-sun.on.cc/cnt/entertainment/20131218/00470_003.html 黃子華Facebook謝票前晚，黃子華榮登視帝，掀起全晚高潮，而無綫亦準備於明天為返港的子華再次舉行頒獎儀式，正式領取視帝獎座。昨晨約2時，子華在Facebook謝票，上載一張自拍照，並留言：「你哋嘅支持，我全部收到晒！謝謝你們！」而王祖藍昨晨則在微博大讚賽果「峰迴路轉」，更表示全民投票公平，呼籲網民如果想偶像獲獎，定要投票：「觀眾呀！下次心裏支持誰就付諸行動吧！」此外，鄧萃雯得知子華膺視帝後，亦大為驚喜，她留言：「昨晚算有點突破，視帝頒給個沒有的，不論理由目的為何，也算有點驚喜，起碼是形式上的一種進步。恭喜黃子華！你贏得最型。」當晚鄭裕玲打電話頒視帝給子華的一幕，高收40點（約257萬人）觀看，乃全晚最高收視，而頒獎禮平均收視為34點（約218萬人）觀看，為今年最高收視綜藝節目。 Source: http://the-sun.on.cc/cnt/entertainment/20131218/00470_004.html 視后阿田吹喇叭絕不離巢田蕊妮前晚大熱勝出膺雙料視后，老公杜汶澤前晚開心自隊，眼見老婆阿田向無綫發表效忠宣言，他笑言希望老婆能闖出名堂，就可「食軟飯」唔使做！據知雙料視后阿田於專業評審及市民票選得票中，均以大比數壓過總成績第二位的鍾嘉欣及第三位的陳法拉，登上視后寶座，難怪她昨凌晨1時半拍畢官方月曆，即向無綫發表效忠宣言︰「我一定唔會離開TVB，因為TVB係好好嘅平台幫我繼續演戲。」又與幾名仍守候的粉絲High爆開香檳及自隊！提到老公杜汶澤打電話恭喜她，阿田說︰「佢打嚟好激動，係咁讚我叻，好多謝佢令我可以無後顧之憂去演戲，好內疚冇做好老婆本分，但佢同我講做自己鍾意嘅嘢就得！」她其後力撐失落視帝的張智霖，指獲觀眾認同已非常開心。阿田回家後即攬實愛貓與熟睡中的杜汶澤合照。冇諗加價至於前晚於電話中表示飲醉酒的杜汶澤，昨日再接受電話訪問說︰「同古天樂約好搵餐廳睇電視支持佢（田蕊妮），佢拎獎好開心，即刻自隊搞到冧咗，古天樂要打畀我助手嚟車我返屋企。」對於醉後被阿田偷影熟睡照，他說︰「呢樣係男藝人最怕嘅一件事，好彩係我老婆影，好替佢開心！」對於阿田感謝他可在無經濟壓力下工作，阿澤聞言即一本正經地說︰「咁我哋男人嚟，養家留畀我哋，佢去追求理想啦！」此外，阿田與阿澤昨午約5時乘保母車離開大埔康樂園寓所，她於尖沙咀放低阿澤後便到尖東Neway CEO為MV事宜開會，阿澤則於約6時前來會合老婆，他表示對老婆得獎感驕傲，笑言可「食軟飯」︰「佢好架勢！我嘅志願係食軟飯，可惜我唔夠靚仔，希望佢趁呢個機會闖出名堂，咁我就唔使做。」他透露昨晚跟家人食飯慶祝，問到會否加價？阿田表示冇諗，阿澤則插嘴說︰「TVB加得幾多？我諗都要捱吓！」力撐張智霖不會小器的阿澤又指視帝黃子華拍劇勞心勞力，度對白「唔嘢小」！專案組 Source: http://the-sun.on.cc/cnt/entertainment/20131218/00470_010.html -- ※ 發信站: 批踢踢實業坊(ptt.cc) ◆ From: 219.79.43.97

→

wasabi1

12/18 08:17, , 1^F

12/18 08:17, 1^F

推

jackiegreen

12/18 08:42, , 2^F

12/18 08:42, 2^F

推

ChiumaO

12/18 08:43, , 3^F

12/18 08:43, 3^F