[新聞] 賀台慶 祥仔捱粥水減 15磅同天華鬥型

看板HK-drama作者 ( )時間14年前 (2009/11/19 11:08), 編輯推噓0(0推 0噓 0→)
留言0則, 0人參與, 最新討論串1/1
變髮揀戰衣賀台慶 祥仔捱粥水減 15磅同天華鬥型 本新聞轉貼自：蘋果日報 http://bbs.ent.163.com/bbs/tvb/157044270.html 今晚的無綫42周年台慶夜，已不讓女藝人拋胸晒鑽飾專美，全台男藝人也同樣講究盛裝出 場，尤其視帝大熱「柴九」黎耀祥已選定心水戰衣，原來祥仔連月戒肥膩和以粥水頂肚， 成功減去 15磅贅肉，實行以靚佬 look預演頒獎禮，大鬥今晚勁歌熱舞的謝天華。 黎耀祥是無綫下月 5日舉行的《萬千星輝頒獎禮 2009》的視帝頂頭大熱，今晚 42周年台 慶，適逢是無綫行政主席邵逸夫爵士新曆 102歲正日生日，祥仔為隆而重之，日前特地到 中環整頭髮，又到置地的 Harvey Nichols選購戰衣。 謝天華試戴鑽飾 祥仔為以最佳狀態示人，連月來均節食減磅，更成功減去 15磅，他說：「我盡量食得清 淡啲，有時會飲粥水，夜晚肚餓就飲罐頭湯頂肚。」他日前到髮型屋 Headquarters試髮 型，髮型師 Ivan表示今晚會替祥仔設計一個卡通頭，好讓觀眾眼前一亮。台慶頒獎禮向 來是無綫親生子女天下，謝天華憑劇集《學警狙擊》中的 Laughing哥一角出位，更有機 會起雙飛奪最佳男配角和我最喜愛的電視男角色兩個獎，他昨日在尖沙嘴為下月頒獎禮試 鑽飾，先後試戴心口針、手鏈和戒指，總值合共 480萬元。 天華說：「我哋唔可以同女士相提並論，佢哋有首飾同 Deep V，會搶鏡啲。」他表示也 會送鑽飾俾老婆，他笑說：「我同太太講，大粒啲要等吓先。」天華今晚會跟黃宗澤、 吳卓羲和陳法拉等後輩表演歌舞，談到奪獎，他自言信心十足。 陳豪衣櫃多靚衫 至於視帝黑馬陳豪，他表示近日忙於趕拍新劇，無暇四出置裝，幸好家中衣櫃有一批比利 時品牌 Ann Demeulemeester的新衫以備不時之需，他今夜會以一貫型男 look亮相，他昨 日在電話中說：「我仲諗住畀驚喜大家，我或者會戴高帽或賊仔帽。」 採訪、攝影：比華利、張俊銘 圖:祥仔沿途大受市民歡迎，爭相跟他拍照和握手，又預祝他成為視帝。 圖:謝天華昨日試戴名貴鑽飾，果然貴氣逼人。 人靠衣裝：嘟嘟晒 4000萬行頭 今晚無綫台慶夜，全台藝人傾巢而出。為了成為最搶鏡焦點，男女藝人都盛裝撐場，並配 以閃爆鑽飾贈興，暫時以鄭裕玲（嘟嘟）的三套鑽飾合共超過 4,000萬港元行頭最勁。 嘟嘟（圖）和阿姐（右圖）今晚會戴上數千萬元名貴鑽飾，誓要靚絕全場。 藝人：鄭裕玲　台慶夜行頭：鑽飾約 4,000萬 藝人：汪明荃　台慶夜行頭：蕭邦珠寶和名錶合共逾 3,700萬 藝人：李司棋　台慶夜行頭：謝瑞麟白鑽和黃鑽首飾重 100卡，約 1,000萬 藝人：陳敏之　台慶夜行頭：鑽飾約 750萬 藝人：關菊英　台慶夜行頭：英皇珠寶白金鑽石和綠寶石鑽飾合共約 530萬 藝人：胡杏兒　台慶夜行頭：俊文珠寶約 300萬 藝人：葉翠翠　台慶夜行頭：鑽飾 67卡 200萬 藝人：呂慧儀　台慶夜行頭：鑽飾 55卡約 180萬 藝人：鍾嘉欣　台慶夜行頭：白金鑽石系列，重 100卡，總值約 130萬 藝人：謝天華　台慶夜行頭：鑽飾約 20卡約 118萬 藝人：黃宗澤　台慶夜行頭：鑽飾 35卡約 115萬 藝人：鄭嘉穎　台慶夜行頭： Franck Muller鑽錶和首飾約 100萬 藝人：敖嘉年　台慶夜行頭：鑽飾 22卡約 88萬 藝人：徐子珊　台慶夜行頭：鑽錶和首飾約 80萬 藝人：胡定欣　台慶夜行頭：鑽錶和首飾約 80萬 藝人：王祖藍　台慶夜行頭：鑽飾 10卡約 26萬 鄧萃雯挑戰自我至緊要靚 蘋果日報 無綫視后大熱鄧萃雯前晚到灣仔出席活動，她透露前晚的戰衣是由黃偉文（ Wyman）為她 揀選，她笑說：「自己勇於嘗試新嘢，會畀大家驚喜，贏都要着得漂漂亮亮，輸亦要好睇 ，最緊要靚。」 －－－－－－－－－－－－－－－－－－－－－－－－－－－－－－－－－－－－－－－ 黎耀祥減磅谷肌等擸獎 東方日報 http://orientaldaily.on.cc/cnt/entertainment/20091119/00282_006.html 黎耀祥對「視帝」獎項可謂十拿九穩，他發誓無綫從來沒有跟他說過簽約就有獎，不簽約 成為「親生仔」是因為「計唔清條數」未知自己市場價值。為了迎戰，祥仔除了聘用兩名 形象指導外，更到美容院勤做機及facial，谷「胸肌」以至fit姿態迎戰！ 每年視帝、視后獎項戰況激烈，今年賽果似乎一面倒，視帝一獎似乎已成祥仔囊中物，鄧 萃雯有Wyman（黃偉文）搜羅戰衣，祥仔除找來代言的美容公司「變身」外，更秘密聘請 兩個形象指導，為他在衣着、形象方面下工夫，是以台慶服飾不用再假手於老婆大人 關係變 未必好 祥仔直言自五月播出《巾幗梟雄》開始，工作暴增，由登台、慈善、電台及電視台活動到 政府活動有過百個，是入行廿幾年來最厲害的，令他全無時間做運動，故除了請形象指導 ，他開始做機加健康飲食配合，已瘦了16磅，目前是145磅，腰圍由33吋減至30吋，更有 埋胸肌！ 祥仔強調不會以約換獎，據知之前一直與無綫有傾約的他，都算不清條數：「我哋幫公司 搵到錢，就已經係親生仔。（點解唔簽無綫？）關係上轉變唔一定係好事。（係自由度抑 或金錢問題？）最好兩樣都袋晒，佢哋覺得我仲有空間推高，但自己平衡唔到，唔知自己 嘅巿場價值，未知收益有幾多，所以仲未睇定，係時機問題。」說到視帝對手，祥仔睇好 《宮心計》的陳豪，大讚陳豪高高大大演傻仔皇帝都做得幾得意、幾好。 得獎詞 已度好 至於得獎台詞，祥仔亦已度好，他不認為多謝等於「擦鞋」，他最多謝曾勵珍：「咁多年 來珍姐最錫我，98年我離開ＴＶＢ，都係因為佢我先可以返去，否則我唔會有今日。」另 外，網民在討論區嚴選今年視帝視后，截至昨日，鄧萃雯成為網民至愛，其次是楊怡和佘 詩曼；視帝方面，祥仔屬頂頭大熱，黃子華和羅嘉良緊隨其後。 髮型：Headquarters（Ivan Lee） 場地：Mence Beauty －－－－－－－－－－－－－－－－－－－－－－－－－－－－－－－－－－－－－－－ 黎耀祥減磅做視帝 壹周刊1028期 http://bbs.ent.163.com/bbs/tvb/157049605.html 瘦咗又型咗，邊個敢同我爭！（設計對白） 有劉曉慶出面力撐，鄧萃雯做足封后準備，搵潮人黃偉文襯定靚衫，打造視后 look攞獎 。「四奶奶」苦盡甘來，好拍檔「柴九」黎耀祥封帝呼聲同樣高，唔想視帝 look失禮街 坊，除咗搵形象顧問指教衣著打扮，仲要極速減磅修身，搵靚衫鑽飾贊助，務求上台一刻 又閃又 fit。 成功男人背後總有好老婆支持，黎耀祥為?同太太一齊分享喜悅一刻，決定豪花十萬送上 鑽石耳環及戒指慰妻。 節食減磅 上週三（十一月十一日），黎耀祥在將軍澳拍完電視劇《畢打自己人》後，即飛車過海到 中環，會合已在名店 Harvey Nichols等候的老婆及兩名友人，四人行往男裝部「地氈式 」搜索視帝戰衣，黎耀祥拎住多套衫褲出入試身室，裝扮完又要俾老婆同朋友過目審批。 半小時後，黎耀祥夫婦先行離開，由文華置地酒店步行到太子大廈，進入一樓的 Supreme Jewellery珠寶店，在店內左試右試近二十分鐘，兩公婆才手拖手到長江集團中 心停車場取車。 自從「柴九」成為視帝大熱後，身邊不少朋友自動請纓出手相助，替他在《台慶》及《萬 千星輝頒獎禮》搵贊助。 「幫祥仔做形象嘅朋友本身做開廣告，大約半年前開始幫佢嘅，先排仲要祥仔減肥，佢都 好聽話，食少咗兼日日做運動，瘦咗十幾磅。嚟緊台慶套衫都係形象幫佢搵，仲搵埋首飾 店贊助，特登造咗個煙花形鑽石襟針俾祥仔出席頒獎禮。」黎耀祥身邊人說。 有福同享 「柴九」熱帶挈黎耀祥錢途無限，老婆當然要有福同享，據聞準視帝打算豪花十萬，買鑽 石耳環及戒指送俾老婆，兩公婆當晚一齊閃。 對於聽從形象指導吩咐減磅迎視帝，黎耀祥說：「呢個朋友好好，佢不收分文幫我搵衫搵 鑽飾贊助，佢話瘦啲著衫好睇，我咪喺屋企舉啞鈴做運動。（係咪買咗一套鑽石首飾送俾 老婆？）送咩禮物唔好講，總之我會買禮物送俾老婆。」 Wyman小貼士 黃偉文幫鄧萃雯扮靚贏視后，叫他幫好友拍檔柴九搞搞新意思， Wyman說：「我唔識黎耀 祥，不過我覺得佢唔適合古靈精怪，頒獎禮嗰晚，著傳統西裝簡潔矜貴已經好夠，唔需要 太大變化。其實男人好多時會忽略，喺出席一啲重要場合之前，應該護膚同埋搵髮型師剪 一個啱自己嘅髮型，當日精神爽利，一副行運樣出現就夠晒搶眼。」 －－－－－－－－－－－－－－－－－－－－－－－－－－－－－－－－－－－－－－－ 謝天華 選百萬鑽飾備戰頒獎禮　　　　　　　　　　　　　　　　　　　　　　文匯報 http://paper.wenweipo.com/2009/11/19/EN0911190012.htm 【本報訊】（記者　黃佩麗）謝天華(見圖)昨日到珠寶贊助商謝瑞麟試戴珠寶，為台慶頒 獎禮做好準備。問他選鑽石有何標準？他笑言希望選擇高調得來又平實的款式，最後他選 了三件鑽石珠寶，包括戒指、襟針和手鏈，價值480萬，總共53卡。天華笑言是首次有珠 寶商贊助，覺得男士戴鑽石應該要戴出男人味，他表示珠寶會在頒獎禮當日才會戴，因為 今日的台慶活動，大家都會有不同的表演，他就會和吳卓羲、黃宗澤、陳法拉等人表演跳 舞，他笑謂如果跳跳下舞，把珠寶弄失就慘了。 　問他可有送過鑽石給老婆？他說：「我同她講有拖無欠。（想買幾多卡？）盡大啦！我 會盡自己的能力買給她，心意才是最重要！」講到他今年有份競逐「最佳男配角」和「我 最喜愛的電視男角色」，問他是不是對這兩個獎項信心十足？他表示知道有很多網友都支 持Laughing哥，令他十分開心，更希望今年可以把成績表貼堂。問到「我最喜愛的電視男 角色」最大對手是不是黎耀祥？謝天華認為這要看市民投票，因為這個獎是反映市民的意 願，並謂世事無絕對，因為其他對手都有實力，另一方面，也要看公司對自己今年的工作 滿不滿意。 －－－－－－－－－－－－－－－－－－－－－－－－－－－－－－－－－－－－－－－ 柴九四奶奶情歌賀台慶 黎耀祥旺氣逼人 雯女捧獎添封后信心 http://tinyurl.com/ybz2jm3 無線台慶節目《萬千星輝賀台慶》今晚於電視廣播城舉行，眾藝員昨日出席該節目的拜神 儀式，今年視帝大熱、「柴九」黎耀祥成為全場焦點，連汪阿姐亦要求合照一沾他的旺氣 。而鄧萃雯 前晚憑「四奶奶」一角捧獎，令她更添信心成功在無铫的頒獎禮封后。本報 記者 　　黎耀祥等昨日出席《萬千星輝賀台慶》拜神儀式。志偉已視黎耀祥為今年視帝，視后 方面則競爭激烈，要看實力及人緣等條件，他認為雯女未奪過視后，也應該由她奪得。汪 明荃甫見黎耀祥即上前合照，更指對方好運。 黎耀祥即場又獲得志偉、陳百祥邀合照，他更望能成功封視帝，不讓大家失望。 　　談到汪明荃指沾他的旺氣？黎耀祥說：「阿姐一向都旺，係鎮台之寶嘛。」黎耀祥今 晚會跟雯女合唱《只有情永在》，他笑指是延續柴九和四奶奶之情，他還會穿上Harvey Nichols贊助的服飾登場。 　　另外，鄧萃雯前晚出席一項頒獎活動時，憑《巾幗梟雄》的四奶奶一角獲頒「最突出 電視女演員獎」，問她對奪無铫視后的信心？雯女說：「今日係好開始，增強了信心（台 慶戰衣？）未準備好，黃偉文比我更緊張，很多時一齊去揀衫，我要多點驚喜，贏要贏得 漂漂亮亮，輸要輸得好好睇睇，大前提就係要靚！」 男女藝員台慶鬥行頭 「Laughing哥」謝天華 （見圖）昨日到珠寶店揀選贊助鑽飾，他選了一套價值480萬元 、合共58卡的鑽飾出席下月初舉行的台慶頒獎禮。有指他除「最受歡迎男配角」外，還會 奪得「我最喜愛角色獎」？天華就認為不一定是他奪得。 　　而關菊英亦獲珠寶贊助商青睞，今晚出席《萬千星輝賀台慶》就獲英皇鐘錶珠寶贊助 兩套總值超過500萬元的首飾，鍾嘉欣亦獲該珠寶商贊助過百萬珠寶首飾。 菊姐500萬鑽飾閃爆台慶 關菊英今晚將出席《萬千星輝賀台慶》，與一眾女藝人爭妍鬥麗。她的人氣不比一眾花旦 姐仔遜色，當然亦獲珠寶贊助商青睞，她今年獲得英皇鐘錶珠寶贊助兩套首飾，總值超過 500萬元，鍾嘉欣亦獲該珠寶商贊助過百萬珠寶首飾於台慶夜配戴，同讓她增添艷光。 　　關菊英今年雖然不是角逐女主角大熱人選，不過她於熱播中的《宮心計》與米雪鬥戲 依然十分搶鏡，人氣由去年延續至今，依然獲觀眾喜愛，大受歡迎。 －－－－－－－－－－－－－－－－－－－－－－－－－－－－－－－－－－－－－－－ -- ※ 發信站: 批踢踢實業坊(ptt.cc) ◆ From: 203.64.246.9
‣ 更多 meihome 的文章
文章代碼(AID): #1B1BQUu_ (HK-drama)