[新聞] 黎耀祥 真小人
黎耀祥 真小人
本新聞轉貼自:Face周刊129期
台慶就殺到, FBI最關心梗係邊個攞視后同視帝啦,上星期四, FBI去咗台慶頒獎禮公布
提名記招,睇吓班一哥一姐點爭位。當公布提名名單時, FBI聽到現場反應都係四奶奶同
柴九嘅歡呼聲最高,不過 TVB就玩人性醜惡,要每位藝人即場投票,每個獎項以「心水盤
」同「買盤」去選心水藝人。
事實證明雯女真係眾望所歸,大部分藝人都投佢神聖一票。不過當 FBI偷睇佢哋投「最佳
男主角」嗰欄就好搞笑,發現爭崩頭嘅柴九同林保怡都係投番自己,係就係肉酸啲,但去
到最後階段,梗係唔係你死就係我亡啦
今次張選票要求藝人喺個名度打圈代表「心水盤」,剔就代表「買盤」。「心水盤」即係
自己鍾意呢個角色嘅演技,「買盤」即係最終決定選嗰個。不過無綫講明今次投票只係用
嚟搞 gimmick,唔會影響觀眾投票結果。不過一班演員仲係好認真咁去投票。
柴九霸雙贏 http://0rz.tw/envnD
柴九無謂客氣擺到明淨係撐自己人。「心水盤」同「買盤」都全部填晒自己同雯女。
(男配角:買盤敖嘉年 心水盤吳卓羲;女配角:買盤心水盤皆為謝雪心)
一半私心 http://0rz.tw/0AgzO
蔡少芬雖然喺「買盤」選咗雯女,但「心水盤」就選自己,睇嚟佢都對視后寶座虎視耽耽
。
想起個孖 http://0rz.tw/7n7Qx
鍾嘉欣「心水」同「買盤」都剔自己,夠晒搏命。
最客氣
王喜最客氣,「心水」同「買盤」都投柴九。
阿佘焗大方 http://0rz.tw/aeYsW
知道 FBI睇實,阿佘遲遲都未肯揀「最佳女主角」,不過最後佢都圈咗雯女,做自己嘅「
心水盤」,楊怡就剔做「買盤」。
(視帝:買盤林保怡 男配角:心水盤黃德斌 女配角:買盤關菊英 心水盤謝雪心
男喜:林保怡)
保怡讓半球 http://0rz.tw/Kf7E4
林保怡「心水盤」投自己,但「買盤」就揀柴九,都幾客氣喎。
(男配:買盤黃德斌)
企頭排
雖然雯女唔係親生女,但佢幾次失落視后獎已經贏盡全城嘅同情分,再唔畀佢無綫隨時犯
眾憎。所以當日陳總都安排咗雯女企喺最前排一齊切蛋糕表達重視佢。
食佘位
雯女當日着住 Wyman為佢打造嘅一身視后 look出場,呢條 Antonio Berardi裙都算幾搶
鏡。一向坦誠嘅佢亦都懶得同對手阿佘扮 friend,仲食咗對方個位。
--
※ 發信站: 批踢踢實業坊(ptt.cc)
◆ From: 203.64.246.9