[新聞] 加埋 300歲揭《宮心》 6嬌秘史

看板HK-drama作者meihome ( )時間14年前 (2009/11/13 10:27)推噓3(3推 0噓 1→)

留言4則, 3人參與討論串1/1

加埋300歲揭《宮心》6嬌秘史本新聞轉貼自：Face周刊129期 http://bbs.ent.163.com/bbs/tvb/156388214.html 惠英紅:我後生嗰陣激過你啦！設計對白《宮心計》播咗三星期，上週平均收 35點。一班資深後宮最搶戲，雖然唔係後生女，不過佢哋「做女嗰時」嘅秘史絕對吸引。如太皇太后謝雪心係渡海泳高手，鄭太妃韓馬利結過 3次婚，仲試過為情自殺，但數到最潮最激一定係惠英紅，紅姐當年 22歲就憑《長輩》奪得首屆香港金像獎「最佳女主角」， 28歲仲去巴黎拍露兩點寫真，今年 49歲仲憑《心魔》提名金馬獎「最佳女配角」，薑愈老愈辣！ 49歲惠英紅露點寫真譚司膳惠英紅劇中早期被人恰，不過現實中紅姐除咗係打女，仲係潮人， 28歲已飛法國拍露點寫真，事隔 21年紅姐仲好自豪話：「我影寫真目的，係想俾人知我都可以好女人。我本寫真唔係滴奶食雪糕，出嚟效果好健康、好有美感！」雖然又潮又有女人味，可惜紅姐已有 10年未拍過拖：「我咁耐以嚟拍過 4次拖（承認與黃子揚姐弟戀），對上一次都係 10年前喇！唔急，相士話我一個月後會有人追喎！到時睇吓啱唔啱囉！」正版 Lady GaGa 雖然紅姐後生時拍過露點寫真，不過週日（ 8日）為本刊扮 Lady GaGa拍照時就話：「條 dress咁鬼 low cut，搞到我好冇安全感呀！始終我o依家都唔係後生喇！」紅姐話出呢本寫真冇酬勞 o架！仲話：「我唔要錢，我要自主權，每件衫、每個鏡頭，都要我話事！我要覺得靚先至出街！」網上圖片問紅姐點解會影露點寫真，紅姐話：「出世都冇着衫啦，唔着衫有咩醜呢！係你哋啲鹹濕佬戴有色眼鏡睇！」網上圖片「我扮翠雲（關菊英）寫張字條話約萬將軍（張國強）見面，然後被萬夫人（林漪淇）發現，點知又俾仲屏（程可為）識破，之後被萬將軍翻舊帳，搞到要出宮。」新戲超演技新作《心魔》紅姐飾演一個佔有慾極強母親，由頭帶到尾，但都係得金馬獎「最佳女配角」提名，紅姐表示有啲唔抵，不過尊重大會。《蘋果日報》圖片紅姐當年 22歲就憑《長輩》（劉家良導演兼男主角）奪得金像獎「最佳女主角」，當年頒獎嘉賓係已故關德興師傅。《蘋果日報》圖片 56歲謝雪心老公係醫生今年56歲謝雪心，喺《宮心計》入面飾演太皇太后，雖然只得 14集戲分，不過就搶晒鏡。今年亦憑《巾幗裊雄》大奶奶提名「最佳女配角」，奪獎大熱，心姐近日 hit爆，但亦一直將佢醫生老公陳啟亨「收埋」，不過上週四（ 5日）佢老公終於現身，仲親自揸車接心姐收工返回麗港城寓所，好鬼恩愛。心姐老公陳啟亨，原來同心姐係青梅竹馬兼初戀男友，同心姐拍拖 8年之後就結婚。對於老公心姐就好口密：「唔好問我丈夫啦，問我同我個女珈穎算啦！佢都唔係圈內人。」老公陳啟亨做司機，接心姐到麗港城，停車之後仲第一時間行去幫心姐開車門同攞袋，認真好老公！心姐 6歲就游渡海泳，最擅長係游背泳。獨女珈穎心姐憑《巾幗裊雄》嘅大奶奶角色成為今年「最佳女配角」大熱，佢個女珈穎為亞視藝員，聽講好大機會跟阿媽入無綫！ 14集死心姐 16歲仲攞咗埠際背泳 100米冠軍（中），心姐細個唔只練水，仲有跟任劍輝、白雪仙學戲，其間為咗見游水師兄經常早走，更被一眾雛鳳粵劇團姊妹講是非，更試過被仙姐留堂，唔畀佢見游水師兄。 55歲烈女韓馬利嫁3次自殺1次鄭太妃（後變太后）韓馬利，對個仔陳豪呵護備至，不過現實中 Mary姐原來唔鍾意小朋友：「我唔鍾意小朋友，我好冇耐性 o架！所以唔打算生仔！」結過 3次婚、當時 30歲嘅 Mary姐同第二任丈夫無綫前高層馮吉隆鬧離婚，仲試過仰藥自殺。 Mary姐話：「我都算係一個敢愛敢恨嘅人！當時真係好傻！好彩有一班好朋友同埋珍姐（曾勵珍）支持！但我冇怪佢（馮吉隆）！」現任老公 89年與第三任無綫配音員杜燕歌結婚至今， Mary姐話：「佢有缺點，不過優點多好多，我哋兩個好開心。」第二任老公 81年 Mary姐下嫁第二任丈夫無綫前高層馮吉隆，仲試過為婚姻自殺，可惜都挽救唔到。索爆嘅 25歲 Mary姐主演單元劇《女人三十》，仲有大露背床戲：「導演要求我咪做囉！我咀發仔咩？嗰個唔係任達華咩？」同太皇太后過招之後，鄭太妃之後仲會同楊怡過招，可惜最後都俾楊怡毒死。 59歲李麗麗爛賭打女專喺太皇太后身邊狐假虎威嘅徐媽媽（李麗麗）被踢爆放高利貸嗰場鬼戲，創咗《宮》劇最高收視（ 41點），徐媽媽其實係邵氏第一代花旦，拍過《遊俠兒》、《十三太保》等邵氏電影。拍攝《奪命蜘蛛》期間，傳與姜大衛拍拖。後生時風光過，不過到 Lily姐 48 歲（ 98年）時，就因為喺銅鑼灣聚賭俾人拉，之後仲留埋案底，判刑當日更爆粗又打爛埋攝記相機，勁過徐媽媽啦！ 12歲由薛家燕帶入行， 16歲嗰陣仲去過新加坡拍日本導演電影，威過o依家 o靚模多多聲！綱上圖片 20歲《奪命蜘蛛》做女主角到o依家 59歲喺《宮心計》做配角，李麗麗喺娛圈打滾接近 40年。綱上圖片 45歲呂珊紅色暴雨呂珊飾演早死司設，本身佢係唱家班，細時拍住阿梅唱荔園， 17歲就喺夜場登台，據聞 20歲已搵到 1百萬。珊姐話：「冇數過喎！不過當時好易搵錢 o架！」早幾年仲有教人唱歌，現階段專心拍劇，不過都有留意現今樂壇：「o依家嘅樂壇可以用『不濟』嚟形容，近年最好係張敬軒囉！ Stephy、 Theresa？唔好講喇！哈哈！大家有眼睇啦！」當年呂珊喺酒廊相當出名，問到珊姐有幾多人追，佢就話：「呢啲嘢唔記得啦！?家冇拍拖呀，追我嘅全部變晒兄弟啦！」認真豪爽！《蘋果日報》圖片 96年推出嘅大碟《暴雨正來臨．約束》，一頭鮮紅短髮，鮮紅色唇膏，珊姐話：「呢個係阿 Zing（ Sammi、王菲御用化妝）幫我設計！」潮喎！綱上圖片 59歲程可為第一代 Rainbow驚人泳裝《宮》劇入面飾演蔡尚宮、今年 59歲嘅程可為，原名係楊連貴，英文名仲要叫 Rainbow ，為第一屆無綫藝員訓練班，最為人熟悉係後生時，喺《乘風破浪》飾演學生妹。之後曾移民到加拿大，在當地做地產 sales， 97年回港簽回無綫，對於尚宮一角她說：「其實我覺得自己做得唔好喎！因為我成日坐喺度，冇咩身體語言。」至於地產界， Rainbow姐話：「冇掂啦！o依家成萬蚊呎點搞呀？拍拖？呢個年紀唔諗喇！仲後生咩！」 04年程可為擔任《美的概念》代言人，只係得 24吋腰。當年此廣告一出嚇親街坊！當年校服 look嘅程可為，望落去有幾分似o依家嘅 o靚模 Rainbow，就連程可為都話：「我都覺佢有幾成似呀，幾靚女呀！」順手讚埋自己。今個禮拜我俾艷裳（惠英紅）踢爆我扮病博取同情，更計劃宮外建大屋，揭發我多年斂財嘅證據；之後仲激到吐血暈低。爆《富貴門》防腐中佬晒肌呂良偉出減肥書睇完《宮心計》6嬌，輪到《富貴門》啜女唔停嘅52歲不老男呂良偉，唔只個樣，就連搵錢嘅腦筋都似後生仔一樣，轉得快。食住駐顏有術呢個賣點，男版米雪呂良偉下年頭將會出一本書專教人 keep fit同減肥。據知該書除由呂良偉親手執筆之餘，仲會上陣騷足6嚿腹肌做插圖。一向對食物有要求嘅呂良偉，會在書中公開橄欖油和低鈉鹽自家煮食法，與及密室谷肌秘訣，最吸引人嘅內容係教人如可喺7日減6磅。該書會中港兩邊發行，又中正搵錢穴。雖然還在籌備中，但 fit 爆偉就自信咁話：「你睇我咁 fit，梗係有秘方啦！我本書不論男女都啱睇，仲會教你哋一個好 work嘅減肥方法，唔睇就走寶喇！」減肥減得健康最緊要，呂哥應該醒吓拍檔郭可盈喎！ '09 52歲 148磅一有時間，呂良偉就會打詠春、做健身，要 keep住體魄，阿呂話：「離港做嘢，我一定會帶健身彈弓，加埋 sit up、掌上壓，只係喺房都可以 fit。」《忽然 1周》圖片 '98 41歲 170磅 11年前嘅呂良偉比起現在重 22磅，仲要冇?家咁結實：「做運動會上癮 o架！我一日唔做運動，就會周身唔自在。」同樣會上癮，關楚耀應該一早跟呂哥學嘢啦！ 00年呂良偉同台灣妹孟廣美拍電影《刑》，當年身形已經好 fit，但現在仲比以前線條好，真係寶刀未老。《蘋果日報》圖片呂良偉與現任太太楊小娟結婚 9年，育有一名 8歲囝囝，對維繫婚姻，兩公婆異口同聲話：「大家好少管對方，雖然大家忙，但每日都通電話，下年 10周年紀念，我哋 plan咗同囝囝去日本玩。」《壹週刊》圖片採訪、撰文：林通賢資料搜集：黃天怡攝影：林子賢化妝： Meegan 形象： Bryan@the flaming 服裝： Arrogant Cat -- ※ 發信站: 批踢踢實業坊(ptt.cc) ◆ From: 203.64.246.9

推

dokushi

11/13 10:57, , 1^F

11/13 10:57, 1^F

推

lygshhk

11/13 19:21, , 2^F

11/13 19:21, 2^F

→

lygshhk

11/13 19:22, , 3^F

11/13 19:22, 3^F