[新聞] 關詠荷嫌鴻仔冇睇頭
關詠荷嫌鴻仔冇睇頭
本新聞轉貼自：太陽報
http://the-sun.on.cc/cnt/entertainment/20090731/00470_077.html
郭政鴻與關詠荷早前在上水的祠堂拍攝《五味人生》外景，劇情講述二人被懷疑有姦情，
因而在祠堂被公審，鴻仔惟有當眾除褲公開太監身份，力證與關詠荷之間沒有姦情。為求
逼真，鴻仔捲起孖煙囱拍攝，問到可有尷尬？他說：「冇！拍戲啫！只係拍出嚟畀人有尷
尬嘅感覺，反而我覺得拍親熱戲仲尷尬！」而關詠荷則笑說：「冇嘢睇啫！佢係太監嚟㗎
嘛！」此外，由於拍攝當日天氣酷熱，眾人均要不斷抹汗及補妝，關詠荷更笑言早已習慣
開工「焗桑拿」。
圖片標題 :鴻仔對當眾除褲不感尷尬。
圖片標題 :關詠荷笑言鴻仔除褲「冇嘢睇」。
－－－－－－－－－－－－－－－－－－－－－－－－－－－－－－－－－－－－－－－
關詠荷唔尷尬：都冇嘢睇
東方日報 http://orientaldaily.on.cc/cnt/entertainment/20090731/00282_061.html
關詠荷（Esther）與郭政鴻為新劇拍外景，二人被懷疑私奔遭公審，結果鴻仔當眾除褲力
證沒姦情，鴻仔雖犧牲「色相」，但Esther卻笑言「冇嘢睇」。
Esther、鴻仔在《五味人生》中有非一般感情，日前在上水一祠堂拍攝被公審戲份，鴻仔
為免深愛的Esther遭誣衊，不惜在鄉親面前除褲公開自己太監身份，力證與Esther沒姦情
。問到鴻仔當眾除褲有否尷尬，他笑言：「我將條孖煙囱捲起咗啫，拍戲慣咗啦，只係拍
出嚟畀人有尷尬感覺，自己就冇。」鴻仔反而覺得拍親熱戲更尷尬，最怕拍親熱戲，幸好
今次演一個「乸乸哋」的太監，根本沒有親熱戲。
與老公輪流湊女
Esther得鴻仔捨身相救才不致浸豬籠，看着鴻仔除褲，她稱絕不尷尬，並笑說：「唓…都
冇嘢睇啫，佢太監嚟㗎嘛！其實太監究竟係點，切幾多都冇人見過，可能要叫監製搜集啲
資料畀我哋睇。」
在酷熱的天氣，Esther、鴻仔及米雪等演員都熱到不停地流汗，Esther謂近日開工已習慣
了這樣「焗桑拿」，問到是否由「影帝」老公張家輝負責湊女？Esther笑謂：「應該係啩
，同佢冇乜聯絡喎！」其實稍後Esther拍完劇集後，輪到家輝拍電影，二人早有默契輪流
工作及照顧女兒。
文：影視組
圖片標題 :關詠荷及郭政鴻日前齊為新劇拍外景。
圖片標題 :郭政鴻於戲內為證與關詠荷沒有姦情，不惜當眾除褲。
圖片標題 :米雪（左）與其他演員在酷熱天氣下開工，拍攝期間不停流汗。
－－－－－－－－－－－－－－－－－－－－－－－－－－－－－－－－－－－－－－－
--
※ 發信站: 批踢踢實業坊(ptt.cc)
◆ From: 203.64.246.10
推
07/31 19:38, , 1F
07/31 19:38, 1F