[分享] 史明先生逐字稿

看板FuMouDiscuss作者Rhomb (風吹菅芒花)時間11年前 (2014/04/21 23:28)推噓7(8推 1噓 7→)

留言16則, 11人參與討論串1/1

前幾篇逐字稿，很多錯誤，沒講到的地方，就台語的部份，這不能怪原po ，因為老先生的聲音，太糊了，本來就不容易聽，再加上，史明先生講話常常嘴巴會離麥克風太遠，還有影片轉播的部份，有時後會lag斷掉，另外，老先生有時候怕年輕人台灣話聽不懂，會夾北京話，但是那個北京話我們都很難聽懂…但是，上面幾篇逐字稿，很多亂加話的部份，這我不是很欣賞。以下用台語文重新再打一次逐字稿，會用台語文，除了這樣更精確表達他的意思，另外有著推廣意義，並且可以跟他所講的北京話有所對照，另外，台翻華，意思常常會跑掉，北京話部份，用『』表示；無法辦別的部份，用？來表示，台語文看不懂，可copy來這邊查： http://twblg.dict.edu.tw/holodict_new/index.html 影片： https://www.youtube.com/watch?v=rAC9NJl2RPo#t=57m30s

時間軸已拉好 - 這擺呼，恁逐个起來反殖民地的統治啦，著啊毋著？這个是呼歷史的[tik] 的，所以講恁逐个出來做的人，是台灣歷史的英雄啦，著毋著？閣一項，恁是這擺來的台灣的主人啦，著毋著？所以[ti2，下略]講為著台灣拍拼，這个應當的啦，著毋著？逐个會使講我會用的時袸，我想這六、七十年呼，台灣人無像今仔日按呢啦，會講呼，台灣人佮中國人無仝款，會講，這是新的，這是恁頭采啦，對恁真尊敬啦，真對恁尊敬啦，著無？所以講呼，像今仔日呼，我實在是，我佇車底聽的講講有一寡學生、少年咧集合呼，我uan7-na7去蔡丁貴遐，去共問的，所以我今仔日才會凍來遮佮恁相見，會使講呼，這是誠好的代誌啦，呼？我毋免講傷濟話，我以前自講六、七十年的代誌，呼，總講一句，咱台灣四百年攏毋捌做主人，啊彼个時袸來呼，這號作殖民統治，著毋著？若外口人，用武力來共人，提人的本土，啊彼个時袸呼，來政治來壓迫來『大屠殺』，經濟來剝削，來『掠奪』，閣『搶』，欲消滅本地人的文化，這號作『搶劫』，著毋著，所以講，恁遮的呼，此去，台灣絕對會好啦，恁若按呢呼，這款的呼，愛台灣的心肝，台灣人的熱心，同時恁少年人恁正義感遐大，恁聽有無？恁正義感遐大，所以講恁若出來，台灣，我想講呼，我死，目睭會瞌啦，著毋著？所以講，我真敬佩恁啦，這無論講，濟歲無濟歲，做好的代誌，做嚴肅的代誌，咱攏著敬佩啦，呼？所以講，我想講呼，希望恁呼，愛台灣的喔，彼个熱心，啊佮做人的正義感，著繼續落去啦，呼？閣一項，行動啦，著行動啦，干焦理論，實在是台灣袂獨立啦，『沒有行動的話，那個理論是空洞的理論啦』，呼，恁今仔日出來矣啦，恁台灣歷史上是同一擺，五十萬的恁的人，逐个的時袸，『思想統一，步調一致』，講做就做，講停就停，這个就對台灣的實在啊，有前途的，一个上大的彼个形成啦呼？所以講呼，恁毋通袂記得這擺，人呼，正義感欲甲這个，這个熱情呼，『隨著年華去的話』，攏會『降低』啦，拜托恁毋通降低喔，著毋著？像我就『降低』啊就輸恁啊恁干焦咧… 按呢呼，閣一項，恁想講咱台灣，為著台灣拍拼，咱家己的，私人的物件攏放出來，家己拍拼，你是講這蹛人生，是毋是真嚴肅的代誌，著啊毋著？所以講我今仔日有共恁有一个建議，差不多一千年以前，西洋有一个政治家，伊講呼，『敵人」若欲來共咱壓迫，著『抵抗』啦，『一定要反抗啦』呼，但是精明去做，用tshoh姦落撟啦，抑是講用拍的，彼毋是政治啦，著毋著？這是真嚴肅的物件喔，佇世界內底咱是真光榮的喔，所以講我定定咧講咱做台灣人，為台灣拍拼是光榮的代誌喔，呼，所以？？？人，拜托的毋通用著姦撟的話啦，著毋著，毋通出手去相拍啦，這就是會予怹講『打架不是政治啦』，呼，恁逐个是有頭腦的人啦，按怎毋用理念去佮恁拼咧？『你想要被統一』哪毋去佮怹拼？拼輸的才是統一，著啊毋著？恁立場就tshiau5好，毋通今仔日你講台灣獨立啦，明仔載煞變國民黨萬歲，後日煞變中共萬歲，彼款的獨立呼，彼就是講假的獨立啦。誠實的獨立萬歲，就是呼，頭甲尾攏是台灣獨立萬歲，著毋著，理念逐个一致，立場一致，閣一項，『一定有戰略戰術啦』，你欲呼，『這個？？？那個戰略戰術，況且』，因為呼，台灣？？？青年人欲拍拼，『如果沒有戰略戰術的話』，彼號作感情獨立啦，敢若感情好好仔喝一个佮伊爽快按呢就想講獨立矣，這款的袂使啦，『一定有戰略戰術啦』，呼？閣一項，閣一項，做革命的人，就守規距啦，逐个呼，咱欲拍倒的規矩是國民黨的規矩啦，但是咱台灣人有台灣人的規矩啦，閣一項，做一个人呼定著做一个人就有人的規矩，著毋著？所以講，咱就做有規矩的人，啊才會做好的台灣人，彼袸仔來做獨立，絕對會成功啦，著啊毋著？誠好，啊多謝你，今仔日是我佮恁講幾句仔話，若乾bi-lu就是好，我毋是九十七歲啦，我二十歲啦，著毋著？恁的心肝遮呢仔一致，頭殼遮呢仔一致，步調啊一致，我想講呼，咱不但愛予台灣人統治，咱逐个攏兄弟啦，著啊毋著，所以講，『拜托呼』恁若是有啥物代誌，就愛？？？『規劃』，我是？？才會共？？？去，咱逐个呼，咱攏著互相照顧，著毋著？做台灣人的光榮萬歲，閣一擺，做台灣人光榮一萬歲，台灣獨立萬歲，為著獨立，台灣民族主義萬歲，台灣獨立萬萬歲，多謝多謝。 -- ※ 發信站: 批踢踢實業坊(ptt.cc), 來自: 61.223.13.119 ※ 文章網址: http://www.ptt.cc/bbs/Gossiping/M.1398094062.A.589.html

推

sitifan

04/21 23:29, , 1^F

04/21 23:29, 1^F

推

g74532

04/21 23:46, , 2^F

04/21 23:46, 2^F

→

g74532

04/21 23:47, , 3^F

04/21 23:47, 3^F