張柏芝萬聖節玩大佢 扮孕婦推住孖B去wet
東方日報
張柏芝昨日連趕兩場，先出席電影《無極》宣傳，再悉心打扮現身演藝人協會舉行「鬼咁
好玩」萬聖節派對，事前已張揚會打扮得花枝招展的她果然沒有食言，推著載有兩個穿上
泳衣的洋娃娃BB車，並以大肚look上陣，面對記者閃個不停的鎂光燈，即慈母上身道：「
唔好嚇親我BB，唔好閃親佢啦！」
洋娃娃穿臍環著泳衣
一眾藝人如曾志偉、林建明、張達明等均扮鬼扮馬，當中以沙姐造型最核突，以軍佬布由
頭包到落腳，只露出一雙眼睛；策劃人李璨琛則以白色假髮、爛下巴示人；而會長志偉卻
以矮版《怪誕屍新娘》男主角現身。不過要數最出位的非柏芝莫屬，以白色短假髮配黑超
加高跟鞋，腹部加個大咕癀扮大肚婆，再推一架BB車載有兩個穿泳衣及臍環的洋娃娃，而
兩位助手則分別扮醫生及護士，齋睇排場已贏晒！柏芝說：「其實之前我為畄今晚扮咩而
傷腦筋，我見最近傳我有孕，咪食住條水扮大肚婆囉！咁明星係帶動潮流，萬聖節唔一定
要扮鬼樣。」
幫霆鋒低胸撐《無極》
而於《無》片宣傳活動上，柏芝以墨綠色吊帶低胸裙上陣，並配耳環及頸鏈，全身總值四
十五萬行頭，全由名品牌贊助，由於近日忙於拍攝新片，令其消瘦不少，就連上圍亦告縮
水，為了令身形更好看，她還加了兩個缽仔糕。
談到前男友謝霆鋒缺席宣傳，柏芝表示：「我唔係話要幫佢平反，佢始終係我朋友，其實
霆鋒之前去北京做了好多宣傳，佢今日只係多事做而唔到。（係咪特登避呀？）唔係，大
家識了咁多年，又唔係第一次合作，同埋大個人，知道咩係重要。」對於姐姐戴碧芝懷孕
，柏芝透露已向公司請假，到時陪姐姐入產房剪臍帶，更指已準備把收藏已久的BB仔衫割
愛送給姐姐。
--
※ 發信站: 批踢踢實業坊(ptt.cc)
◆ From: 140.113.94.184